قونصل جنرل مراد علی وزیر نے مون شہزاد بھٹی کے نئے ریسٹورنٹ مائی پنجاب کا افتتاح کردیا

بارسلونا(دوست نیوز)بارسلونا میں دیسی کھانوں کے مزہ میں ایک اور بڑا اضافہ،معروف پاکستانی بزنس مین مون شہزاد بھٹی کے نئے پراجیکٹ “مائی پنجاب ریسٹورنٹ”کا افتتاح قونصل جنرل مراد علی وزیر نے فیتہ کاٹ کرکیااس موقع پر ان کے ہمراہ چوہدری عدنان عدیل دھوتھڑ اور دیگر پاکستانی کمیونٹی کی نمایاں شخصیات موجود ہیں 

قدیراے خان نے تلاوت قرآن مجید اور دعا سے روزہ افطار کرایا اس موقع پر قونصل جنرل مراد علی وزیر نے مختصر خطاب کیا اور مون شہزاد بھٹی کو ریسٹورنٹ کی مبارک باد دی اور کامیابی کی دعا کی

افتتاحی تقریب میں بارسلونا میں معروف پاکستانی بزنس مین برادری کی بڑی تعداد نے شرکت کی۔اس موقع پر چوہدری عدنان عدیل دھوتھڑ،مون شہزاد بھٹی اور چوہدری عمران اختر چھوکر نے مہمانوں کو افتتاحی تقریب میں پھولوں کے گلدستے پیش کرکے استقبال کیا۔

قونصل جنرل مراد علی وزیر نے کہا کہ رمضان المبارک کی خوبصورت گھڑیوں میں مون شہزاد بھٹی اور حمزہ مہر نے بارسلونا میں ایک نئے ریسٹورنٹ کا اضافہ کیا ہے  میں اپنی طرف سے اور پاکستانی قونصل خانہ بارسلونا کی جانب سے نئے ریسٹورنٹ کی مبارک باد پیش کرتا ہوں۔ مزید کہا ہم نے ہمیشہ اپنے لوگوں کی حوصلہ افزائی کی ہے اور اپنی ثقافت اور کھانوں کی ترویج میں ان کے کام کو سراہا ہے۔ ہمارے کھانے پوری دنیا میں مشہور ہیں اپنے تو اپنے مقامی لوگ بھی ان کو پسند کرتے ہیں،بارسلونا میں نئے کاروبار پاکستانیوں کی معاشی طاقت ہیں ہمیں پنجاب،خیبرپختونخواہ،کراچی،سندھ کی ثقافت کو مزید بڑھانا چاہئیے۔بڑی خوشی کی بات ہے کہ اس ریسٹورنٹ کا نام مائی پنجاب ہے اور یہ ہم سب کے لئے قابل فخر ہے۔

“مائی پنجاب ریسٹورنٹ”کے کھانوں پر عوامی ردعمل دیتے ہوئے مہمانوں کا کہنا تھا کہ اپنے نام کی طرح پنجابی ثقافت اور لذیذ کھانوں کا بہترین ریسٹورنٹ ہے۔

 یہاں پر آپ دنیا بھر میں کہیں سے بھی بارسلونا آئیں اور اپنے دیس کے مزیدار کھانے کھانا چاہیں تو بارسلونا کے معروف سیاحتی مقام اور ساگرادا فیمیلیا کے بالکل ساتھ کائیے سردانیا403(Carrer de Sardenya, 403)میں مائی پنجاب ریسٹونٹ پر تشریف لائیں ،اپنے دیسی کھانوں کے ساتھ دیس کو پردیس میں اپنے ساتھ پائیں 

About The Author