یونان،کریٹ کے ساحل کے قریب کشتی الٹ گئی،تین افراد جاں بحق30لاپتہ
ہفتے کی صبح سویرے یونان کے جنوبی جزیرے کریٹ کے ساحل کے قریب، کالوی لیمینس گاؤں کے نزدیک ایک لکڑی کی کشتی الٹ گئی۔کم از کم تین تارکینِ وطن ہلاک ہو گئے ہیں جبکہ کم از کم 30 دیگر افراد کے بارے میں خدشہ ہے کہ وہ ہلاک یا لاپتا ہو چکے ہیں،
پاناما کے پرچم تلے چلنے والا ایک کنٹینر جہاز سب سے پہلے امدادی سگنلز پر پہنچا اور اس نے تقریباً 20 افراد کو بچا لیا، جن میں چار کم سن بچے بھی شامل تھے۔ بچائے جانے والوں کا تعلق زیادہ تر مصر اور سوڈان سے بتایا گیا ہے۔ انہیں یونانی کوسٹ گارڈ کی نگرانی میں ساحل پر منتقل کیا گیا۔
فرونٹیکس اور یونانی کوسٹ گارڈ کے جہاز بندرگاہ کے قریب دیکھے گئے، جہاں بچائے گئے تارکینِ وطن کو چھوٹی کشتیوں میں منتقل کرنے کے بعد ساحل پر اتارا گیا۔ بعد ازاں ان کی گنتی کی گئی اور انہیں کالوی لیمینس گاؤں سے گزرتے ہوئے دیکھا گیا۔ امدادی کارروائی جاری ہے اور تیز ہواؤں کے باوجود لاپتا افراد کی تلاش کا عمل بدستور جاری ہے۔
یہ واقعہ لیبیا سے کریٹ تک غیر قانونی سمندری راستوں کے ذریعے بڑھتی ہوئی آمد کی نشاندہی کرتا ہے، جبکہ یونان یورپی یونین میں پناہ کے متلاشی افراد کے لیے ایک اہم داخلی راستہ بنا ہوا ہے۔
About The Author
