علی امین گنڈاپور کا بلین ٹری پلس منصوبہ شروع کرنے کا فیصلہ
وزیر اعلیٰ خیبر پختونخوا علی امین گنڈاپور نے بلین ٹری پلس منصوبہ شروع کرنے کا فیصلہ کرلیا۔
علی امین گنڈاپور کی زیر صدارت محکمہ جنگلات کا اجلاس منعقد ہوا، جس میں وزیراعلیٰ نے ہدایت کی کہ بلین ٹری پلس منصوبہ شروع کرنے کےلیے متعلقہ حکام ہوم ورک مکمل کریں۔
وزیر اعلیٰ کے پی نے کہا کہ جنگلات کی کٹائی روکنے اور ریونیو بڑھانے کے لیے متعلقہ حکام لائحہ عمل تیار کریں۔
علی امین گنڈاپور نے مزید کہا کہ جنگلات کی غیر قانونی کٹائی کو روکنے کے لیے جرمانہ کی رقم لکڑی کی قیمت سے زیادہ بڑھائی جائے، ٹمبر کی اسمگلنگ پر نظر رکھنے کے لیے چیک پوسٹس پر سی سی ٹی وی کیمرے نصب کیے جائیں۔
