امریکہ کی ایران میں فوجی مداخلت کے خلاف پلاسا سانت جائیمے بارسلونا میں احتجاج

بارسلونا/ فلسطینی تنظیم کاتالونیا کی صدرناتالیا اور مازید اور پاکستان فورم اسپین کے صدر سید ذوالقرنین شاہ کی مشترکہ کوششوں سے بدھ کی شام تقریباً 300 افراد نے پلاسا سانت جائیمے میں جمع ہو کر امریکہ کی ایران میں فوجی مداخلت کے خلاف احتجاج کیا،جس میں پاکستانی ایرانی،فلسطینی اور مقامی اسپانش مرد وخواتین کی بڑی تعداد نے شرکت کی اور اسرائیل،امریکہ کے بائیکاٹ کے پرجوش نعرے لگائے،فری فلسطین اور فری لبنان کے نعرے بلند ہوئے

شرکاء میں Barcelona en Comú کی ترجمان اور بارسلونا سٹی کونسل کی رکن Jess González، اسی جماعت کی ایک اور کونسلر Carol Recio اور کاتالان پارلیمنٹ میں Comuns کے رکن Andrés G. Berrio بھی شامل تھے۔

مظاہرین ایرانی جھنڈے اٹھائے ہوئے تھے اور ان کے بینرز پر “NATO باہر جاؤ” یا “نیٹو نہیں” جیسے نعرے درج تھے۔ وہاں Ali Khamenei کی تصاویر بھی نظر آئیں، جو حملوں کے پہلے دن ہلاک ہو گئے تھے۔ اسی طرح Pedro Sánchez کی تصاویر بھی موجود تھیں، جنہوں نے مشرقِ وسطیٰ میں امریکہ اور اسرائیل کی مشترکہ فوجی کارروائی کی سخت مخالفت کی ہے۔

سیاسی نعروں کے علاوہ مظاہرین اپنے ساتھ کھانا اور پانی بھی لائے تھے تاکہ احتجاج میں موجود مسلمان روزہ دار سورج غروب ہونے کے بعد رمضان کا روزہ افطار کر سکیں۔

مظاہرین نے فلسطینی،پاکستانی،ایرانی جھنڈے اور ہسپانوی وزیراعظم پیدروسانچز کی تصاویر اٹھا رکھی تھیں

احتجاجی مظاہرہ میں ایران میں لڑکیوں کے اسکول پر ہونے والے حملہ میں شہید ہونے والے بچوں کی یاد میں ایک منٹ کی خاموشی ،موم بتیاں روشن کی گئیں اور بچوں کی اشیاء جوتے،پرس کتابیں اور ان شہید بچوں کی تصاویر رکھی گئیں

منتظمین تنظیموں کی جانب سے کہا گیا کہ امریکہ جنگی جنون سے باہر آئے اور دنیا کو مہنگائی ،دہشت گردی اور انسانیت کے قتل سے آلودہ نہ کرے،اسرائیل کو کنٹرول کیا جائے تاکہ غزہ میں معصوم بچوں کی زندگیاں عام بچوں کی طرح ہوں اور وہ اسکول جا سکیں ہسپتالوں سے بہتر علاج مل سکے۔