پیدروسانچز کا ویڈیو گیم انڈسٹری کو فروغ دینے کا عزم، OXO Museo del Videojuego میں ’ماریو کارٹ‘ کا دلچسپ تجربہ
Screenshot
ہسپانوی وزیرِاعظم پیدروسانچز نے اس بات کا عزم ظاہر کیا کہ اسپین کو ویڈیو گیم انڈسٹری میں عالمی قیادت دلائی جائے گی۔
ویڈیو گیمز کی دنیا کے مختلف پہلوؤں کا تجربہ کرتے ہوئے، ورچوئل رئیلٹی آزمانا، ’ماریو کارٹ‘ کی گاڑی میں بیٹھنا اور اس صنعت کی تاریخ سے آگاہ ہوناپیدروسانچزنے اس ڈیجیٹل تفریح کے ہر پہلو سے لطف اٹھایا اور اس شعبے میں ہسپانوی ٹیلنٹ کو سراہا۔
وزیرِاعظم نے جمعرات کے روز OXO Museo del Videojuego کا دورہ کیا، جہاں انہوں نے ویڈیو گیم انڈسٹری کے نمائندوں سے ملاقات کی اور اس شعبے میں قومی کردار کا جائزہ لیا۔
بعد ازاں سوشل میڈیا پر انہوں نے کہا“اسپین اس شعبے میں پہلے ہی ایک عالمی طاقت بن چکا ہے۔ ہمارے پاس 815 سے زائد اسٹوڈیوز اور 11,000 پیشہ ور افراد موجود ہیں، جو عالمی سطح پر تسلیم شدہ صلاحیت رکھتے ہیں۔”
انہوں نے مزید کہا“حکومت کی جانب سے ہم اس اسٹریٹجک انڈسٹری کو مزید فروغ دیتے رہیں گے تاکہ اسپین اپنی قیادت کو مضبوط بنا سکے۔”
اپنی پوسٹ میں وزیرِاعظم نے میوزیم کے دورے کی تصاویر بھی شیئر کیں، جن میں وہ ورچوئل رئیلٹی کا تجربہ کرتے اور ویڈیو گیم انڈسٹری کی تاریخ کے بارے میں معلومات حاصل کرتے نظر آتے ہیں۔
دورے کے بعد میوزیم انتظامیہ نے پیدروسانچز کا شکریہ ادا کیا کہ انہوں نے اس منصوبے کی قدر کی اور انڈسٹری کے مسائل کو سنا۔ ان کے مطابق “ویڈیو گیم محض تفریح نہیں بلکہ ایک صنعت، فن اور ثقافت بھی ہے۔”
مزید تصاویر میں ایک خاص تصویر بھی شامل تھی جس میں وزیرِاعظم مسکراتے ہوئے ’ماریو کارٹ‘ کی ایک لیگو سے بنی گاڑی میں بیٹھے ہوئے نظر آئے۔
About The Author
