بارسلونا میں تین روزہ کروئسان فیسٹیول کا اعلان، منفرد ذائقوں کی بہار
بارسلونا میں یکم سے 3 مئی 2026 تک ایک منفرد اور دلکش فوڈ فیسٹیول “کروئسان فیسٹ” منعقد ہونے جا رہا ہے، جہاں شہر کو تین دن کے لیے کروئسان کے رنگوں اور ذائقوں سے سجا دیا جائے گا۔ یہ فیسٹیول Poble Espanyol میں ہوگا، جو ایک وسیع اوپن ایئر مقام ہے اور اس موقع پر اسے مکمل طور پر خوراکی سرگرمیوں کے لیے مخصوص کیا جائے گا۔
منتظمین کے مطابق یہ فیسٹیول روایتی بیکری ایونٹ سے ہٹ کر ایک مکمل تجربہ فراہم کرے گا، جہاں کروئسان کو صرف ناشتے تک محدود نہیں رکھا گیا بلکہ اسے دن کے ہر حصے کے لیے پیش کیا جائے گا، چاہے وہ برنچ ہو، دوپہر کا کھانا یا رات کا ڈنر۔
فیسٹیول میں شہر کی معروف بیکریز اور شیفس شرکت کریں گے اور مختلف اقسام کے کروئسان پیش کریں گے۔ ان میں کلاسک مکھن والے کروئسان کے ساتھ ساتھ جدید اور منفرد ذائقے بھی شامل ہوں گے، جیسے تیرامیسو کروئسان، پستہ کروئسان، اور چاکلیٹ کے ساتھ خستہ گوشت جیسے غیر روایتی امتزاج بھی شائقین کی توجہ کا مرکز ہوں گے۔
تقریب کی ایک خاص بات یہ ہے کہ شرکاء کو “بارسلونا کے بہترین کروئسان” کے انتخاب کے لیے ووٹنگ کا موقع بھی دیا جائے گا، جس سے فیسٹیول میں دلچسپی مزید بڑھ جائے گی۔ اس کے علاوہ لائیو میوزک، ڈی جے سیشنز، شیفس کے ساتھ ورکشاپس، اور بچوں و فیملیز کے لیے مختلف سرگرمیاں بھی منعقد کی جائیں گی۔
فیسٹیول روزانہ صبح 11 بجے سے رات 10 بجے تک جاری رہے گا، جبکہ داخلہ فیس 4.50 یورو سے شروع ہوگی۔ توقع ہے کہ یہ ایونٹ نہ صرف مقامی افراد بلکہ سیاحوں کی بھی بڑی تعداد کو اپنی طرف متوجہ کرے گا اور بارسلونا کی فوڈ کلچر کو ایک نئی پہچان دے گا۔
About The Author
