سانت جوردی 2026: کتابوں کی فروخت کا نیا ریکارڈ، 27 ملین یورو تک پہنچ گئی

سانت جوردی(کتابوں کے عالمی دن) کے موقع پر اس سال کتابوں کی فروخت نے نیا ریکارڈ قائم کرتے ہوئے تقریباً 27 ملین یورو تک پہنچ گئی، جو گزشتہ سال کے 26.1 ملین یورو سے زیادہ ہے۔ یہ اعداد و شمار کاتالونیا کی بک چیمبر کی جانب سے جاری کیے گئے ابتدائی تخمینوں پر مبنی ہیں۔

رپورٹ کے مطابق دن کے آغاز سے ہی گلیوں میں لوگوں کا ہجوم دیکھنے میں آیا۔ ہفتے کے درمیان دن آنے اور خوشگوار موسم نے بھی فروخت میں اضافے میں اہم کردار ادا کیا، اگرچہ بعض علاقوں میں ہوا اور پولن کی شدت بھی ریکارڈ کی گئی۔

اس سال بارسلونا میں تقریباً 500 اسٹالز لگائے گئے جہاں کتابیں اور گلاب فروخت کیے گئے، جبکہ مجموعی طور پر 3,700 میٹر رقبہ ان اسٹالز کے لیے مختص کیا گیا۔ اسی طرح لیلدا اور تاراگونا میں بھی اسٹالز کی تعداد میں اضافہ دیکھنے میں آیا۔

کتابوں کی فروخت کے لحاظ سے کاتالان زبان میں Regina Rodríguez Sirvent، Gil Pratsobrerroca، Òscar Andreu اور Francesc Torralba سرفہرست رہے۔

کاتالان فکشن میں Crispetes de matinada نے نمایاں کامیابی حاصل کی، جبکہ El joc del silenci اور Passeig de Gràcia بھی مقبول رہے۔

نان فکشن میں Manual de defensa del català پہلے نمبر پر رہا، اس کے بعد Anatomia de l’esperança اور On neix la llum شامل ہیں۔

ہسپانوی زبان کی فکشن کتب میں Eduardo Mendoza اپنی نئی کتاب La intriga del funeral inconveniente کے ساتھ سرفہرست رہے، جبکہ Fernando Aramburu کی Maite اور Comerás flores بھی نمایاں رہیں۔

نان فکشن میں Ana Garriga کی Instrucción de novicias اور Paz Padilla کی Alzar el duelo سب سے زیادہ فروخت ہونے والی کتابیں رہیں۔

رپورٹ کے مطابق اس سال سانت جوردی سے پہلے بھی ایک ہفتے تک کتابوں کی اچھی فروخت جاری رہی، جس سے مجموعی کاروبار میں مزید اضافہ ہوا۔