یوروویژن 2026: اسپین کی دستبرداری کے باوجود ہسپانوی ناظرین مقابلہ دیکھ اور ووٹ دے سکیں گے
Screenshot
یورپ کے معروف موسیقی مقابلے Eurovision Song Contest کی تاریخ میں پہلی بار ایسا ہوگا کہ اسپین اس میں حصہ نہیں لے گا، تاہم ہسپانوی شہری 2026 کے ایڈیشن میں نہ صرف یہ مقابلہ دیکھ سکیں گے بلکہ ووٹنگ میں بھی حصہ لے سکیں گے۔
اس مقابلے کا آغاز 1956 میں ہوا تھا، جبکہ اسپین نے 1961 میں پہلی بار شرکت کی اور اس کے بعد مسلسل ہر سال حصہ لیتا رہا، سوائے 2020 کے جب کورونا وبا کے باعث مقابلہ منسوخ کر دیا گیا تھا۔ تاہم 2026 میں اسپین نے غزہ پر اسرائیلی کارروائیوں کے خلاف احتجاجاً شرکت نہ کرنے کا فیصلہ کیا ہے۔
اس کے باوجود شائقین “ریسٹ آف دی ورلڈ” (Rest of the World) نامی عالمی ووٹنگ سسٹم کے ذریعے سرکاری ویب سائٹ پر ووٹ دے سکیں گے۔ اس نظام کے تحت غیر شریک ممالک کے ووٹ ایک ملک کی طرح شمار کیے جاتے ہیں، اگرچہ وہ پیشہ ور جیوری کا حصہ نہیں ہوتے۔
اسپین کی سرکاری نشریاتی ادارہ RTVE یوروویژن 2026 کا فائنل اور سیمی فائنلز نشر نہیں کرے گا۔ یہ مقابلہ 16 مئی کو ویانا میں منعقد ہوگا، جبکہ سیمی فائنلز 12 اور 14 مئی کو ہوں گے۔ تاہم ناظرین اسے یوٹیوب پر براہِ راست دیکھ سکیں گے۔
اسپین نے اپنی پہلی شرکت میں Conchita Bautista کے گانے “Estando contigo” کے ساتھ ڈیبیو کیا تھا۔ ملک نے اب تک 64 بار شرکت کی اور دو مرتبہ کامیابی حاصل کی۔ پہلی کامیابی 1968 میں Massiel کے مشہور گانے “La La La” سے حاصل ہوئی، جبکہ 1969 میں Salomé نے “Vivo Cantando” کے ساتھ ایک مشترکہ جیت حاصل کی۔
مزید برآں، اسپین نے کئی بار دوسری اور تیسری پوزیشن بھی حاصل کی، جن میں Karina، Mocedades، اور Chanel Terrero جیسے فنکار شامل ہیں۔
اس دستبرداری کے بعد اسپین اب “بگ فائیو” (Big Five) گروپ کا حصہ نہیں رہے گا، جس میں اٹلی،فرانس،جرمنی،برطانیہ شامل ہیں۔ یہ ممالک اپنی بڑی مالی شراکت کی وجہ سے براہِ راست فائنل میں پہنچتے ہیں۔
یاد رہے کہ اس سے قبل اٹلی بھی 13 سال کے لیے مقابلے سے باہر رہا تھا اور 2011 میں واپسی پر دوبارہ “بگ فائیو” میں شامل ہو گیا تھا، جس کے پیش نظر اسپین کی مستقبل میں واپسی بھی ممکن ہے۔
About The Author
