بارسلونا میٹرو نیٹ ورک کے کس اسٹیشن پر2024میں کتنے مسافروں نے سفر کیا

بارسلونا(دوست نیوز)بارسلونا کے میٹرو نیٹ ورک نے 2024 میں 467,555,547 مسافروں کے سفر کا ریکارڈ قائم کیا، جو کہ اب تک کی سب سے زیادہ تعداد ہے۔ یہ نیٹ ورک 125.4 کلومیٹر پر پھیلا ہوا ہے اور اس میں 165 اسٹیشن شامل ہیں، لیکن کچھ اسٹیشن دوسروں کے مقابلے میں زیادہ مقبول رہے۔

گزشتہ سال، ریکارڈ تعداد میں مسافروں کے ساتھ، سب سے زیادہ استعمال ہونے والا میٹرو اسٹیشن کاتالونیا رہا، جو پلازا کاتالونیا میں واقع ہے اور L1 (ریڈ لائن) اور L3 (گرین لائن) کو سروس فراہم کرتا ہے۔ مجموعی طور پر 17,501,208 مسافروں نے اس اسٹیشن پر اپنے ٹکٹ لگائے ، جن میں 9,536,770 مسافر L3 لائن اور 7,964,438 مسافر L1 لائن پر سفر کر رہے تھے۔

دوسرے نمبر پر دایاگونال اسٹیشن رہا، جو L3 اور L5 لائنوں کو جوڑتا ہے اور 16.2 ملین سے زائد مسافروں کو سروس فراہم کرتا ہے۔

دوسری طرف، Casa de l’Aigua اسٹیشن، جو ترینیتات نووا کے علاقے میں L11 میٹرو لائن کی خدمت کرتا ہے، سب سے کم استعمال ہونے والا اسٹیشن رہا۔ 2024 میں صرف 46,884 افراد نے وہاں اپنے ٹکٹ لگائے ۔

اسپینیا اسٹیشن ایل 1 (لال لائن) پر سب سے زیادہ استعمال ہونے والا اسٹیشن تھا، جہاں 10,329,830 سفر ریکارڈ کیے گئے، جبکہ ایل 5 (نیلی لائن) پر سب سے مصروف اسٹیشن دیاگرونل اور ایل 3 (سبز لائن) کے لیے کاتالونیا تھا۔

ایل 2 (جامنی لائن) کے لیے، 2024 میں سب سے زیادہ مسافر ساگرادا فامیلیا اسٹیشن سے گزرے، جہاں 4,736,010 افراد نے نیٹ ورک تک رسائی کے لیے اپنے ٹکٹ کی تصدیق کی۔ اسی طرح، ایل 4 (پیلی لائن) پر بارسلونیتا سب سے مصروف اسٹیشن رہا، جہاں 5,873,206 افراد نے سفر کیا۔

ایئرپورٹ کے دو میٹرو اسٹیشنوں سے مجموعی طور پر 2,608,949 مسافروں نے سفر کیا۔ ٹی 1 اسٹیشن سے 1,915,616 اور ٹی 2 اسٹیشن سے 693,333 افراد نے اپنے ٹکٹ کی تصدیق کرائی۔ یہ دونوں اسٹیشن صرف ایل 9 ساؤتھ (نارنجی لائن) پر دستیاب ہیں۔

بارسلونا کا میٹرو نیٹ ورک کنیکٹنگ سروسز کی سہولت دیتا ہے۔ ایک مسافر کسی بھی اسٹیشن پر ٹکٹ کی تصدیق کر کے نیٹ ورک میں داخل ہو سکتا ہے، مختلف لائنوں پر سفر کر سکتا ہے، اور بغیر دوبارہ ٹکٹ استعمال کیے لائن تبدیل کر سکتا ہے۔

30 دسمبر 1924 کو، بارسلونا کے شہر کے میٹرو کا پہلا سیکشن افتتاح کیا گیا، جو پلاسا کاتالونیا سے لیسیپس تک جاتا تھا۔ آج بھی ہزاروں بارسلونا کے باشندے روزانہ اس حصے میں سفر کرتے ہیں، شاید اس حقیقت سے بے خبر کہ وہ ایک ایسی سرنگ سے گزر رہے ہیں جو ایک سو سال کی تاریخ رکھتی ہے۔