ووکس کے خلاف غیر قانونی مالی امداد کی تحقیقات کا آغاز
میڈرڈ(دوست نیوز)انسداد بدعنوانی کی فوجداری پراسیکیوشن نے ووکس کے خلاف غیر قانونی مالی امداد کی تحقیقات کا آغاز کر دیا
ووکس نے اپنی مالی امداد کی قانونی حیثیت کا دفاع کیا ہے اور انسداد بدعنوانی کی تحقیقات کو “سیاسی انتقام” قرار دیا ہے۔ ووکس کا کہنا ہے کہ اسے انسداد بدعنوانی کی تحقیقات پر حیرت نہیں ہوئی: “فوجداری پراسیکیوشن سے کیا توقع کی جا سکتی ہے؟”
یہ کارروائی اس وقت سامنے آئی جب سوشلسٹ پارٹی (PSOE) نے دسمبر میں ووکس کے خلاف شکایت درج کروائی تھی، جس میں کہا گیا تھا کہ سانتیاگو آباسکل کی قیادت میں یہ جماعت غیر شفاف طریقوں سے اور غیر قانونی غیر ملکی فنڈز کے ذریعے مالی امداد حاصل کر رہی ہے۔
ذرائع کے مطابق، چیف پراسیکیوٹر الیخاندرو لوزون نے ووکس کے خلاف ابتدائی خفیہ تحقیقات کا آغاز کرنے کا فیصلہ کیا ہے، کیونکہ ان کے خیال میں مبینہ غیر قانونی مالی امداد کی جانچ کے لیے معقول بنیاد موجود ہے۔
PSOE نے 13 دسمبر کو جنرل اسٹیٹ پراسیکیوشن کے سامنے ووکس کے خلاف شکایت درج کروائی تھی۔ یہ شکایت ووکس کی مالی امداد کے ایک “تفصیلی” تجزیے کے بعد کی گئی، جس میں اس نتیجے پر پہنچا گیا کہ یہ جماعت اسپین کے فوجداری قانون کے آرٹیکل 304 بسمطابق غیر قانونی مالی امداد کے جرم کی مرتکب ہو سکتی ہے۔
About The Author
