“میں نے ان کی سرجری نہیں کی”کارتیجینا میں دو خواتین کو نقصان پہنچانے والی سرجن کا مؤقف
کارتیجینا(دوست نیوز یورپ)پیر کے روز سرجن کی وکالت کرنے والے وکیل کارلوس گارسیا گل نے یہ بات میڈیا کوبتایا کہ اسپین میں بغیر لائسنس کے سرجری کرنے کے الزام میں زیرِ تفتیش وینزویلا کی سرجن نے دعویٰ کیا ہے کہ اس نے کارتیجینا میں ان دو خواتین کی سرجری نہیں کی جنہوں نے سنگین جسمانی نقصان کے بعد اس کے خلاف شکایت درج کروائی تھی۔
تاہم متاثرہ خواتین میں سے ایک، ینگریڈ جی، نے عدالت میں بیان دیتے ہوئے کہا کہ اس کی سرجری اسی وینزویلا کی سرجن، نیسی، نے کی تھی۔
ینگریڈ جی کے مطابق اس نے سرجری سے پہلے اور بعد میں نیسی سے رابطہ رکھا۔ اس کی سرجری میں ایبڈومینوپلاسٹی (پیٹ کی چربی نکالنے کی سرجری)، اس چربی کو کولہوں میں منتقل کرنا (لائپوٹرانسفر) اور ماسٹوپیکسی (چھاتی کو اوپر اٹھانے کی سرجری) شامل تھیں۔ اس سرجری کے بعد ینگریڈ جی کو پانچ دن تک کارتیجینا کے سانتا لوسیا پبلک اسپتال کے انتہائی نگہداشت یونٹ (ICU) میں رکھا گیا۔ بعد ازاں وہ ایک ماہ تک اسپتال میں داخل رہی، جہاں اسے جگر کو نقصان، بیکٹیریل انفیکشن، اور چھاتی میں گلنے سڑنے (نیکروسس) کا سامنا کرنا پڑا۔
About The Author
