مصری سٹار محمد صلاح نے ترکش پریمیئر لیگ میں ہفتے کے بہترین گول کا اعزاز حاصل کر لیا۔ یہ اعزاز انہوں نے رواں ماہ کے آغاز میں طرابزون سبور میں شمولیت کے بعد لیگ کے اپنے دوسرے میچ میں بہترین کارکردگی دکھا کر حاصل کیا۔
محمد صلاح نے لیگ کے دوسرے راؤنڈ میں باشاک شہیر کے خلاف دو گول سکور کیے تھے۔ جن میں سے دوسرے گول کو مداحوں کی ووٹنگ کے ذریعے ہفتے کا بہترین گول منتخب کیا گیا۔ ترکش پریمیئر لیگ کے آفیشل اکاؤنٹ نے محمد صلاح کے اس اعزاز سے آگاہ کیا۔
صلاح انگلش کلب لیورپول کے ساتھ اپنا معاہدہ ختم ہونے کے بعد آزاد کھلاڑی کے طور پر طرابزون سبور منتقل ہوئے ہیں جہاں وہ دو سیزنز کے لیے کلب کی نمائندگی کریں گے۔
