کاتالونیا 226 بلدیات میں 21,289 سستے مکانات تعمیر کرے گی،سلوادور

بارسلونا(دوست نیوز 7 مئی 2025 ) صدر جنرلیتات، سلوادور ایلا نے سرکل دی اکنومیا کی نشست کے دوران اعلان کیا ہے کہ کاتالونیا میں 21,289 سستے (سوشل) مکانات تعمیر کیے جائیں گے تاکہ رہائش کے بحران کا مقابلہ کیا جا سکے۔ انہوں نے اس اقدام کو اپنے 50,000 نئے مکانات کے منصوبے کا حصہ قرار دیا ہے، جس میں عوامی زمینوں کا ذخیرہ مختص کرنے کا عزم بھی شامل ہے تاکہ گھروں کی تعمیر کا عمل تیز تر ہو سکے۔

یہ اقدام 226 مختلف بلدیات میں کیا جائے گا، اور اس کا مقصد عام شہریوں، خاص طور پر کم آمدنی والے طبقات کے لیے رہائش کے مواقع پیدا کرنا ہے۔

سلوادور ایلا نے مزید وضاحت کی کہ یہ منصوبہ رہائشی بحران کے فوری حل کے طور پر ترتیب دیا گیا ہے، اور حکومت اسے تیزی سے عملی جامہ پہنانے کے لیے تیار ہے۔