آسٹریلیا کا دورۂ نیوزی لینڈ کیلئے ٹی ٹوئنٹی اسکواڈ کا اعلان

کرکٹ آسٹریلیا نے دورۂ نیوزی لینڈ کے لیے ٹی ٹوئنٹی اسکواڈ کا اعلان کر دیا۔

مچل اسٹارک، پیٹ کمنز، ٹریوس ہیڈ اور اسٹیو اسمتھ کی ٹی ٹوئنٹی اسکواڈ میں واپسی ہوئی ہے۔

چاروں کرکٹرز کو ویسٹ انڈیز کے خلاف جمعے سے شروع ہونے والی سیریز میں آرام دیا گیا ہے۔

مچل مارش کو ٹی ٹوئنٹی ٹیم کا کپتان برقرار رکھا گیا ہے جبکہ ٹم ڈیوڈ ، ڈیوڈ وارنر، ایڈم زمپا، گلین میکسویل، میتھیو ویڈ اور مارکس اسٹوئنس بھی اسکواڈ کا حصہ ہیں۔

ٹی ٹوئنٹی سیریز کے میچ 21، 23، اور 25 فروری کو کھیلے جائیں گے۔