بارسلونا: پاکستانی کھانوں کے روایتی ذائقوں کے دلدادہ افراد کے لیے خوشخبری! اب پاکستان کی مشہور کڑاہی اور دیسی کھانوں کا ذائقہ بٹ کڑاہی ریسٹورنٹ کے ذریعے بارسلونا میں بھی دستیاب ہوگا۔
بارسلونا کے علاقے سانت آدریو دے بیسوس میں بٹ کڑاہی ریسٹورنٹ کا باقاعدہ افتتاح کر دیا گیا۔ افتتاحی تقریب میں پاکستانی کمیونٹی کی معروف سماجی شخصیات اور دیگر معزز مہمانوں نے شرکت کی۔
ریسٹورنٹ کا افتتاح معروف سماجی شخصیت سید ذوالقرنین شاہ نے مالکان رانا خالد محمود اور محمد اویس کے ہمراہ فیتہ کاٹ کر کیا۔
اس موقع پر سید ذوالقرنین شاہ، محمد اقبال کھوکھر، رضوان کاظمی اور دیگر معزز شخصیات نے رانا خالد محمود اور محمد اویس کو نئے کاروبار کے آغاز پر دلی مبارک باد پیش کی۔ مہمانوں نے ریسٹورنٹ کی کامیابی، ترقی اور کاروبار میں برکت کے لیے خصوصی دعا بھی کی۔
بٹ کڑاہی کے قیام کا مقصد بارسلونا میں مقیم پاکستانیوں اور دیگر کھانے کے شوقین افراد کو پاکستانی کھانوں کے روایتی ذائقوں سے لطف اندوز ہونے کا موقع فراہم کرنا ہے۔
اس موقع پر ریسٹورنٹ کے مالک رانا خالد محمود نے میڈیا سے گفتگو کرتے ہوئے افتتاحی تقریب میں شرکت کرنے والے تمام مہمانوں، دوستوں، احباب اور کمیونٹی کی معروف شخصیات کا شکریہ ادا کیا۔
ان کا کہنا تھا کہ وہ بٹ کڑاہی کے ذریعے صارفین کو پاکستانی کھانوں کا روایتی ذائقہ اور بہترین خدمات فراہم کرنے کی کوشش کریں گے۔ ان کے لیے صارفین کا اعتماد اور اطمینان اولین ترجیح ہوگا۔
مالکان نے مزید کہا کہ اس نئے سفر میں کمیونٹی کی محبت، حوصلہ افزائی اور دعائیں ان کے لیے باعثِ خوشی ہیں اور وہ تمام مہمانوں کے تہہ دل سے شکر گزار ہیں جنہوں نے افتتاحی تقریب میں شرکت کرکے ان کی خوشیوں کو دوبالا کیا۔
اب بارسلونا میں پاکستانی کھانوں کے شائقین کے لیے بٹ کڑاہی ایک نیا انتخاب ہے، جہاں وہ اپنے پسندیدہ دیسی ذائقوں سے لطف اندوز ہو سکیں گے۔
بٹ کڑاہی کی انتظامیہ کی جانب سے بارسلونا کی پاکستانی کمیونٹی اور تمام اہلِ ذوق افراد کو خوش آمدید!
