اسپین کے اہم گھوڑوں کی مفصل معلومات۔

تحریر و مرتب : ایاز حسین سید۔ بی ایم ایجوکیٹرز بارسلونا

اسپین خصوصاً بارسلونا کے گرد و نواح میں پاکستانیوں کی کثیر تعداد گھوڑوں کی سواری اور نیزہ بازی میں جنون کی حد تک دلچسپی رکھتی ہے۔ گھڑسواری ایک نیا رجحان اور شوق ہے جس میں ہر شعبہ سے تعلق رکھنے والے لوگ اپنی صلاحیت، مقدرت، لیاقت اور استعداد کے مطابق حصہ لینے کے خواہاں نظر آتے ہیں۔ خوشحال لوگوں نے اپنے ذاتی گھوڑے خرید لیے ہیں جنہیں پرائیویٹ اصطبل میں رکھا جاتا ہے اور اپنے فارغ اوقات میں ا ن کی خبر گیری کی جاتی ہے۔

حال ہی میں بارسلونا شہر میں نیزہ بازی کاایک بین الاقوامی مقابلہ کرایا گیا جس میں اخباری اطلاعات کے مطابق بارسلونا اور دیگر ممالک سے بھی ایک سو بیس گھڑسوار پاکستانیوں نے شرکت کی۔ پاکستانیوں کی ایک متاثر کن تعداد کھلاڑیوں اور منتظمین کی حوصلہ افزائی کے لیے موجود تھی۔اس مقابلہ کو "جشن آزادی نیزہ بازی میلہ 2025 ” کا نام دیا گیا۔ یہ اپنی نوعیت کا منفرد اور یکتا پروگرام تھا۔

اس پروگرام کی نسبت سے اسپین کے گھوڑوں کے متعلق ایک معلوماتی مضمون ترتیب دیا گیا ہے جو گھوڑوں کے شائیقین اور خریداروں کے لیے یقیناً رہنمائی فراہم کرے گا۔

1۔ اندالوسی (Andalusian Pure Raza Expañola)

اندالوسیا سے تعلق رکھنے والی اس نسل کو پندرہویں صدی عیسوی میں ایک الگ نسل کے طور پر تسلیم کیا گیا تھا۔ اس گھوڑے کی پہچان اس کی مضبوط مگر خوبصورت ساخت ، گھنے بالوں اور دُم سے بآسانی کی جاسکتی ہے۔ عام طور پر سرمئی رنگ میں پایا جاتا ہے۔ پہلے جنگوں میں عام استعمال کیا جاتا تھا مگر اب ڈریساج اور نمائشی اسٹائل کے لیے مثالی ہے۔ امراء میں خاصا مقبول ہے۔ متعدد یوروپی نسلوں پر اس کا اثر نمایاں رہا ہے۔

2. (Carthusian (Cartujano

اندالوسی نسل کا خاص خون رکھنے والا کارتیوشین گھوڑا، جسے ہسپانوی زبان میں کارتو خانو بھی کہا جاتا ہے۔ اس کے بارے میں یہ سمجھا جاتا ہے کہ اس کی نسل کارتیوشین (Carthusian) راہبوں کے ذریعے برقرار رکھی جاسکی ہے۔ اس کی نسل کے جڑیں چودہ سو چھتہر (1476) میں ملتی ہیں جو اس بات کی تصدیق کرتی ہیں کہ اس کے نسل کی رجسٹری دنیا میں قدیم ترین میں سے ایک ہے۔ عام اندالوسی نسل کے مقابلے میں سرمئی رنگ، ہلکی ساخت اور سیدھا چہرہ ہوتا ہے ۔ تاہم صرف بارہ فی صد رجسٹرڈ اندالوسی گھوڑوں میں اس کے خون کی موجودگی پائی گئی ہے۔ ڈریساج اور ڈرائیونگ کے بہترین مانے جانے والے گھوڑوں کی قیمت زیادہ ہوتی ہے۔

3۔ Galician Horse (Galician Mountain Horse

گالیسیایی گھوڑا (گالیسیایی پہاڑی گھوڑا) جسے کابالو گالیگو دے مونٹے بھی کہا جاتا ہے۔ گالیسیا (Galicia) کے پہاڑی علاقوں کی مقامی تولیدی نسل، چھوٹا قد مگر مضبوط ساخت کا گھوڑا جو پہلے جنگ میں اور زراعت میں استعمال ہوتا رہا تاہم اب یہ تفریح اور رائیڈنگ کے لیے استعمال کیا جاتا ہے۔اونچائی پر پھلتے پھولتے ہیں اور سخت آب و ہوا کو بآسانی برداشت کرتے ہیں۔

4۔ مینور کیئن (Menorquin)

مینورکین گھوڑا، یا کےبایو مینور کین گھوڑوں کی نسل جو اسپین کے بیلیرک جزائر میں واقع” مینورکا جزیرہ”کا مقامی گھوڑاہے۔ یہ گھوڑا اپنی حسین شکل اور منفرد سیاہ رنگت کے لیے جانا جاتا ہے اور اسی رنگت میں رجسٹرڈ ہوتا ہے۔ اس کی اونچائی تقریباً ایک اعشاریہ چار میٹر ہوتی ہے۔ فرمانبردار، شائستہ اور خوبصورت حرکت والی نسل اپنے راویتی رائیڈنگ اسٹائل کے لیے مشہور ہے۔ یہ نسل ایک منفرد سواری کے انداز سے وابستہ ہے جسے ڈومامینورکینا کہاجاتا ہے، جو کلاسیکی ڈریساج اور روایتی سواری کی تکنیکوں کو ملا کر بنائی گئی ہے۔ جزیرے کے ثقافت میں اس کا نمایاں کردار ہے۔

5۔ جاکا ناورّا (Jaca Navarra)

ناورّا کے خطے کے مطابق گھڑی ہوئی نسل جو چھوٹے قد مگر مظبوط ساخت کے لیے مشہور ہے۔ جاکا ناوارا یا نوارس گھوڑا اسپین کے شمال مشرقی میں حصے میں واقع خود مختار علاقے ناورّا سے تعلق رکھتا ہے۔ یہ گھوڑا زراعت، ڈرافٹ کا کام کرنے اور کانزرویشن گریزنگ کے لیے استعمال کیا جاتا ہے۔ اس کی تعداد خطرناک حد تک کم ہوچکی ہے۔

اسپین میں عربی النسل گھوڑوں کی موجودگی اور کردار

اسپین میں عربی نسل کے گھوڑے (Arabian Horses) بھی پائے جاتے ہیں۔ گھوڑوں کی مقامی نسلوں کی بہتری اور ملاپ میں ان کا ایک اہم کردار رہا ہے۔

عربی نسل گھوڑے آٹھویں صدی میں ہسپانیہ (اندلس) میں مسلم فتوحات کے دوران لائے گئے۔ انہی گھوڑوں نے بعد میں (Andalusian (PRE اور Lusitano جیسی نسلوں پر گہرا اثر ڈالا۔

آج اسپین میں عربی گھوڑےایک علیحدہ رجسٹر اور بریڈنگ پروگرام کے تحت درج کیے جاتے ہیں۔ ان کی افزائش زیادہ تر اندلس اور کاتالونیا کے علاقوں میں ہوتی ہے۔

عربی گھوڑے اپنی خوبصورت چہرہ، دمکدار آنکھیں، بلند دم، برداشت (stamina) اور نفیس حرکت کے لیے جانے جاتے ہیں۔ یہی خصوصیات مقامی نسلوں کے ملاپ میں شاملہوگئیں اور انہیں زیادہ پرکشش اور مضبوط بنادیا۔

عربی نسل گھوڑوں کا استعمال

شو جمپنگ، اینڈورینس رائیڈنگ (طویل فاصلوں کی دوڑ) اور ڈریساج وغیرہ میں استعمال کیے جاتے ہیں ۔

دیگر ہسپانوی نسلوں (خاص طور پر Andalusian اور Hispano-Árabe) کے ساتھ کراس بریڈنگ کے لیے بہترین مانے جاتے ہیں۔

ہسپانو-عربی گھوڑا( Hispano-Arabe)

اسپین کی ایک مشہور ملاپ نسل جو Andalusian + Arabian کے امتزاج سے وجود میں آئی۔

یہ گھوڑے اینڈورینس، کام کرنے والے گھوڑوں (Working Equitation) اور روایتی ہسپانوی سواری کے لیے بہت ہی مقبول ہیں۔

انہیں اندلس کے علاقے میں "ثقافتی ورثہ” کی حیثیت بھی دی جاتی ہے۔

اسپین میں ( Asociación Española de Criadores de Caballos Árabes (AECCA نامی ادارہ عربی گھوڑوں کی افزائش، رجسٹریشن اور مقابلوں کی نگرانی کرتا ہے۔ یہ ادارہ ورلڈ عربین ہارس آرگنائزیشن (WAHO) سے بھی منسلک ہے۔

🐎 کاتالونیا میں استعمال ہونے والے گھوڑے

کاتالونیا (Catalonia) میں گھوڑوں کی روایت بہت پرانی ہے اور یہاں کی مقامی ضروریات اور ثقافت کے مطابق چند خاص قسم کے گھوڑے استعمال کیے جاتے ہیں۔ کاتالونیا میں سب سے نمایاں مقامی( Catalan Pyrenean Horse (Cavall Pirinenc Català نسل ہے–یہ بنیادی طور پر پہاڑی علاقوں میں سخت اور زرعی کاموں کے لیےاستعمال کیے جاتے ہیں۔ جبکہ کھیل، تقریبات اور نمائشی مقاصد کے لیے Andalusian، Hispano-Árabe اور Spanish Trotter استعمال کیے جاتے ہیں۔

1۔( Catalan Pyrenean Horse (Cavall Pirinenc Català – CPC

یہ کاتالونیا کی مقامی اور سرکاری طور پر تسلیم شدہ نسل ہے۔ بنیادی طور پر Pyrenees پہاڑوں میں پالا جاتا ہے۔

خصوصیات: مضبوط اور بھاری جسامت (draught type)، محنتی اور پہاڑی حالات کے مطابق ہے۔ زیادہ تر گوشت (meat production) کے لیے استعمال ہوتا ہے، لیکن زراعت اور جنگلاتی کاموں میں بھی استعمال ہوتا رہا ہے۔ یہ نسل آج بھی Catalan breeders association کے تحت محفوظ رکھی جا رہی ہے۔

2.( Andalusian (PRE – Pura Raza Español

اگرچہ Andalusian کا اصل تعلق اندلس (Andalusia) سے ہے، لیکن یہ پورے اسپین، بشمول کاتالونیا میں مقبول ہے۔ ڈریساج، شو رائیڈنگ، اور ثقافتی تقریبات میں استعمال ہوتا ہے۔

3.( Hispano-Árabe (Andalusian × Arabian

کاتالونیا میں بھی یہ ملاپ نسل ملتی ہے۔ یہ زیادہ تر سخت کاموں ، طویل رائیڈنگ اور روایتی سواریوں کے لیے موزوں ہے۔

4.( Spanish Trotter (Trotador Español

زیادہ تر( Balearic Islands (Mallorca, Ibiza سے وابستہ ہے لیکن کاتالونیا میں بھی ریسنگ اور کھیلوں کے لیے استعمال ہوتا ہے۔ یہ گھوڑے trotting races کے لیے خاص تربیت دیے جاتے ہیں۔

🐎 بل فائیٹنگ میں استعمال ہونے والے گھوڑے

اسپین میں بل فائیٹنگ (Corrida de toros) میں جو گھوڑے استعمال ہوتے ہیں، انہیں خاص طور پر تربیت دی جاتی ہے۔ ان گھوڑوں کو عموماً دو طرح کے کردار میں استعمال کیا جاتا ہے۔

1. Lusitano (پرتگال کا گھوڑا)

اگرچہ Lusitano کا اصل وطن پرتگال ہے، لیکن یہ اسپین میں بل فائیٹنگ (خاص طور پر rejoneo یعنی گھوڑے پر بیٹھ کر بل فائٹ کرنا) میں سب سے زیادہ استعمال ہوتا ہے۔

خصوصیات:بہت تیز ردِ عمل (quick reflexes), بہادر اور نڈر ۔ بیل کے اچانک حملے کو برداشت کرنے اور جھٹکے سے بچنے کی صلاحیت رکھتا ہے۔

2.( Andalusian (PRE – Pura Raza Española

اسپین کا سب سے مشہور گھوڑا، بل فائیٹنگ میں بھی استعمال ہوتا ہے۔

یہ گھوڑا اپنے شاندار انداز، بہادری اور حساس ردعمل کے لیے جانا جاتا ہے۔

تاریخی طور پر اسپین کے زیادہ تر بل فائٹرز Andalusian گھوڑے ہی استعمال کرتے تھے۔

3.( Crossbreeds (Lusitano × Andalusian

آج کل عملی طور پر بل فائیٹنگ میں اکثر ملاپ نسلوں کا استعمال ہوتا ہے، تاکہ گھوڑے میں Lusitano کی پھرتی اور Andalusian کی شان و شوکت دونوں خصوصیات شامل ہوں۔

⚔️ بل فائیٹنگ میں گھوڑوں کے کردار

بل فائیٹنگ میں گھوڑے کو "picador” یا "rejoneador” کے ساتھی کے طور پر پیش کیا جاتا ہے۔

یہ گھوڑے بہت سخت تربیت سے گزرتے ہیں تاکہ وہ بیل کے حملے سے نہ گھبرائیں اور سوار کی حرکات کے مطابق بیل کو قابو میں رکھنے میں مدد کریں۔

🐎 اسپین میں گھوڑوں کی قیمت کا اندازہ

گھوڑے کی قیمت کا انحصار اس کی نسل، تربیت، عمر، رنگ اور شہرت پر ہوتا ہے۔ اسپین میں خاص طور پر Andalusian (PRE)، Lusitano اور عربی خون رکھنے والے گھوڑے سب سے قیمتی مانے جاتے ہیں۔

1. عام گھوڑے (تفریح یا ہلکی سواری کے لیے)

مقامی یا کراس بریڈ گھوڑے، قیمت تقریباً 3,۰۰۰ – 8,۰۰۰ یورو

2۔( Andalusian (PRE – Pura Raza Española

عام 5,۰۰۰ – 15,۰۰۰ یورو

شو یا ڈریساج میں تربیت یافتہ: 2۰,۰۰۰ – 4۰,۰۰۰ یورو

نایاب رنگ یا اعلیٰ خون رکھنے والے: ۱۰۰,۰۰۰ یورو یا اس سے بھی زیادہ

3. Lusitano

ابتدائی تربیت والا 4,۰۰۰ – 15,۰۰۰ یورو

بل فائیٹنگ یا ڈریساج کے لیے خصوصی تربیت یافتہ: 25,۰۰۰ – 70,۰۰۰ یورو

ممتاز نسل والے: 80,۰۰۰ – 150,۰۰۰ یورو

4. عربی اور Hispano-Árabe گھوڑے

عام عربی گھوڑا: 4,۰۰۰ – 10,۰۰۰ یورو

شو یا endurance کے لیے اعلیٰ درجے کا: 20,۰۰۰ – 40,۰۰۰ یورو

🐎 اسپین میں گھوڑوں کے مشہورمیلے

اسپین میں گھوڑے صرف کھیل یا کام کے لیے ہی نہیں بلکہ ثقافت، روایت اور میلوں (Ferias/Fiestas) کا بھی ایک اہم حصہ ہیں۔ ہر سال گھوڑوں کےکئی مشہور میلے (Horse Fairs) مختلف شہروں میں منعقد کیے جاتے ہیں جہاں گھوڑے نہ صرف نمائش کے لیے پیش کیے جاتے ہیں بلکہ ڈریساج، پریڈ اور مقابلوں میں بھی حصہ لیتے ہیں۔

1.( Feria del Caballo (Horse Fair of Jerez de la Frontera

اسپین کا گھوڑوں کاسب سے مشہور میلہ یہی ہےاور اندالوسیہ کے مشہور شہر خیریز میں مئی کے مہینے میں منعقد کیا جاتا ہے۔ یہ میلہ UNESCO کی ثقافتی وراثت کی فہرست میں شامل کیا گیا ہے۔ اس میلہ میں Andalusian گھوڑوں کی شاندار پریڈ، ڈریساج مقابلے (classical dressage)، گھوڑا گاڑیوں (carriages) کی نمائش، روایتی اندلسی موسیقی اور رقص (فلیمینکو) اس میلہ کو یادگار بناتے ہیں۔

2. Romería del Rocío

یہ میلہ اندالوسیہ کے شہر ہوایلبا (Huelba) میں مئی/جون کے مہینے میں منایا جاتاہے۔ اگرچہ یہ ایک مذہبی تہوار ہے، لیکن اس میں ہزاروں گھوڑے شامل ہوتے ہیں۔ زائرین گھوڑوں اور گھوڑا گاڑیوں پر لمبا سفر کرتے ہیں اور روایتی ملبوسات پہنتے ہیں۔

3.( Feria de Abril (April Fair of Seville

اندالوسیہ کے مشہور شہر سیبیا (Seville) میں اپریل کے مہینے میں منایا جاتا ہے اور بنیادی طور پر ایک عوامی میلہ ہے لیکن گھوڑے اس کا لازمی حصہ ہیں۔ یہاں شاندار گھوڑا گاڑیاں (carriages) اور Andalusian گھوڑوں کی پریڈ سب سے نمایاں ہوتی ہے۔

4.( Cabalgata de Reyes (Three Kings Parade

عمومی طور پر پورے اسپین اور خاص طور پر بارسلونا، میڈرڈ اور سیبیا میں جنوری کے مہینے میں منعقدہوتاہے۔ گھوڑے جلوس میں استعمال ہوتے ہیں اور بچے "تین بادشاہوں” کو گھوڑوں یا اونٹوں پر دیکھ کر خوش ہوتے ہیں۔

5.( Sant Joan Festival (Menorca

Menorca، Balearic Islands کے اس میلے میں Menorquín گھوڑے مرکزی کردار ادا کرتے ہیں اور روایتی انداز میں ہجوم کے درمیان دو ٹانگوں پر کھڑے ہو کر (rearing) اپنا کمال دکھاتے ہیں۔

6. Concursos de Doma Vaquera

یہ مقابلے پورے اسپین میں ہوتے ہیں، خاص طور پر اندلس میں۔ اس میں گھوڑے چرواہوں (vaqueros) کے انداز میں اپنی مہارت دکھاتے ہیں۔

7۔( Equimur (Torrepacheco, Murcia

یہ ایک بین الاقوامی گھوڑا میلہ ہے۔ اس میں گھوڑوں کی نمائش، خرید و فروخت، بریڈنگ اسٹالز، اور شو جمپنگ مقابلے شامل ہوتے ہیں۔