یورپی یونین کے تمام ممالک ہم جنس شادی کو تسلیم کریں۔عدالت انصاف

یورپی یونین کی عدالت انصاف (TJUE) کے مطابق ایسے شادی شدہ جوڑوں کا ریکارڈ قبول نہ کرنا یورپی قانون کے خلاف ہے، کیونکہ یہ متاثرہ شہریوں کی آزادانہ نقل و حرکت اور ان کے حاصل شدہ حقوق میں رکاوٹ بنتا ہے۔

عدالت یہ معاملہ اس وقت سامنے آیا جب دو پولش شہریوں، جن کی شادی جرمنی میں ہوئی تھی، کو اپنے ہی ملک میں شادی کا اندراج کرانے سے روک دیا گیا۔ پولینڈ میں ہم جنس شادی کی اجازت نہیں، لیکن عدالت نے قرار دیا کہ دوسرے رکن ملک میں قانونی طور پر حاصل کردہ ازدواجی حیثیت کو تسلیم نہ کرنا شہری آزادی اور نجی و خاندانی زندگی کے حق کی خلاف ورزی ہے۔

فیصلے میں کہا گیا ہے کہ یورپی یونین کے تمام رکن ممالک پر یہ ذمہ داری عائد ہوتی ہے کہ وہ یونین کے قوانین کے تحت شہریوں کو ملنے والے حقوق کے مؤثر استعمال کے لیے ایسی شادیوں کو تسلیم کریں۔

تاہم عدالت نے واضح کیا کہ اس فیصلے کا مطلب یہ نہیں کہ پولینڈ پر اپنی قومی قانون سازی میں ہم جنس شادی کو متعارف کرانا لازم ہے۔