بارسلونا / 24 سپر مارکیٹیں بجلی چوری،زائدالمعیاد اشیاء کی فروخت اور بغیر لائسنس اشیاء کی فروخت کرتے ہوئے پکڑی گئیں

بارسلونا(دوست مانیٹرنگ ڈیسک)بارسلونا میں ایک مشترکہ کارروائی کے دوران گواردیا سیول، نیشنل پولیس اور اربانا پولیس نے 24 سپر مارکیٹیں پکڑی ہیں جو سڑک کی بجلی غیر قانونی طور پر استعمال کر رہی تھیں۔ یہ کارروائی 2 دسمبر کو نو بیریس، سانت آندریو، سانت مارتی، گریسیا، ایکزامپل اور سیوتات ویلا کے اضلاع میں 26 اسٹورز کی چھان بین کے دوران کی گئی۔ بیشتر اسٹورز 24 گھنٹے کھلے رہتے ہیں اور یہ زیادہ تر فرنچائز ہیں۔ ابتدائی تخمینہ کے مطابق ان اسٹورز نے تقریباً 2.5 ملین کلو واٹ گھنٹے بجلی چوری کی، جو 715 گھروں کے سالانہ بجلی کے برابر ہے۔ اس معاملے میں 26 افراد کے خلاف بجلی کی چوری کے الزام سے تحقیقات جاری ہیں۔

چھان بین کے دوران دیگر متعدد خلاف ورزیاں بھی سامنے آئیں۔ گواردیا سیول نے 16 اسٹورز کے خلاف کنتابان، مصنوعات پر غلط لیبلنگ، ختم شدہ میعادوالی مصنوعات اور ترازو کی دھوکہ دہی کے الزامات لگائے۔ اربانا پولیس نے 87 خلاف ورزیاں درج کیں، جن میں فائر ایکسٹنگشر کی کمی، ایمرجنسی نشانات کی غیر موجودگی، خراب خوراک کی فروخت اور بغیر لائسنس کے کاروبار شامل ہیں۔ نیشنل پولیس نے 59 افراد کی شناخت کی، جن میں پانچ مزدور استحصال کے شکار اور پانچ غیر قانونی حیثیت میں پائے گئے۔

انسپیکشن آف لیبر اور سوشل سیکیورٹی نے بھی 23 خلاف ورزیاں نوٹ کی ہیں۔