سانچیز کا نوجوان کسانوں کے لیے ریاستی زرعی زمینوں کی فراہمی کا اعلان
Screenshot
ہسپانوی وزیرِاعظم پیدرو سانچیز نے نوجوان کسانوں کے لیے ریاست کی ملکیت 17 ہزار زرعی زمینیں فراہم کرنے کا اعلان کیا ہے۔ اس اقدام کا مقصد زرعی شعبے میں نسلوں کی منتقلی کو آسان بنانا اور نوجوانوں کو کھیتی باڑی کی طرف راغب کرنا ہے۔
حکومت ان زرعی زمینوں کو ایک نئی ڈیجیٹل پلیٹ فارم کے ذریعے قابلِ استعمال بنائے گی، جو خودمختار علاقائی حکومتوں کے اشتراک سے قائم کیا جائے گا اور جس کا نام “تیئرا خوون” (Tierra Joven) رکھا گیا ہے۔ اس پلیٹ فارم کے ذریعے نوجوان کسانوں کو ریاستی زمینوں تک رسائی دی جائے گی۔
وزیرِاعظم کے ہمراہ وزیرِ زراعت و ماہی پروری لوئس پلاناس بھی موجود تھے۔ اس موقع پر سانچیز نے یہ بھی بتایا کہ حکومت یورپی یونین کی نئی مشترکہ زرعی پالیسی (PAC) میں یہ تجویز پیش کرے گی کہ اس کے وسائل کا 10 فیصد زرعی شعبے میں نسلوں کی منتقلی کے لیے مختص کیا جائے، جب کہ یورپی کمیشن کی موجودہ تجویز میں یہ شرح 6 فیصد رکھی گئی ہے۔
حکومت کے مطابق یہ اقدامات زرعی شعبے کے مستقبل کو محفوظ بنانے اور دیہی علاقوں میں روزگار کے نئے مواقع پیدا کرنے میں اہم کردار ادا کریں گے۔
About The Author
