میڈرڈ: ملکہ صوفیہ کی بہن شہزادی آئرین آف گریس کے لیے دعائیہ تقریب، شاہی خاندان کی شرکت

میڈرڈ (دوست نیوز)اسپین کے شاہ فلپ ششم اور ملکہ لیتیزیا نے اپنی دونوں صاحبزادیوں، شہزادی لیونور اور انفانتا صوفیہ کے ہمراہ، ہفتے کے روز ملکہ صوفیہ کی ہمشیرہ شہزادی آئرین آف گریس کے لیے منعقدہ دعائیہ تقریب میں شرکت کی۔

سابق بادشاہ خوان کارلوس طبی وجوہات کی بنا پر شریک نہ ہو سکے۔

یہ تقریب میڈرڈ میں واقع سانت ایندریو اور سانت دیمیٹریئس کی یونانی آرتھوڈوکس کیتھیڈرل میں ادا کی گئی

شہزادی آئرین 83 برس کی عمر میں انتقال کر گئیں اور برسوں سے ملکہ صوفیہ کے ساتھ رہ رہی تھیں۔ تقریب کے بعد میت کے دیدار کا اہتمام کیا گیا۔ ان کی آخری رسومات پیر کے روز ایتھنز میں ادا ہوں گی

انہیں تاتوی کے شاہی قبرستان میں سپردِ خاک کیا جائے گا، جو یونانی شاہی خاندان کی رہائش گاہ ہے۔ وہیں ان کے والدین، بادشاہ پال اول اور فریڈریکا آف ہینوور، مدفون ہیں۔ اسی مقام پر تین برس قبل ملکہ صوفیہ کے بھائی کانسٹنٹین دوم کو بھی دفن کیا گیا تھا، جو یونان کے آخری بادشاہ تھے۔ انہوں نے 1964 سے 1973 تک حکومت کی، یہاں تک کہ فوجی بغاوت کے نتیجے میں ملک میں بادشاہت کا خاتمہ ہو گیا

About The Author

DailyDost

See author's posts