ووکس کی برقع قانون کی مخالفت پر جنتس (Junts) پرسخت تنقید

میڈرڈ/ہسپانوی سیاسی جماعت ووکس (Vox) نے کانگریس میں برقع اور نقاب پر پابندی سے متعلق اپنی مجوزہ قانون سازی کی مخالفت پر جماعت جنتس (Junts) کو سخت تنقید کا نشانہ بنایا ہے اور کہا ہے کہ جنتس کا یہ مؤقف “اسلامائزیشن کے حق میں” ہے۔

کانگریس میں ووکس کی ترجمان پیپا میلان (Pepa Millán) نے کہا کہ جنتس ان کے اس بل کے خلاف ووٹ دینے جا رہی ہے جس میں عوامی مقامات پر برقع اور نقاب پہننے پر پابندی کی تجویز دی گئی ہے۔ انہوں نے اس بات پر بھی تنقید کی کہ جنتس نے اسی نوعیت کا اپنا ایک الگ مسودہ بھی رجسٹر کروا رکھا ہے، جو بظاہر اسی سمت میں ہے۔

پیپا میلان کے مطابق جنتس کا رویہ متضاد ہے، کیونکہ ایک طرف وہ ووکس کی تجویز کی مخالفت کر رہی ہے اور دوسری جانب اسی نوعیت کی اپنی قانون سازی پیش کر رہی ہے۔ ووکس نے اس مؤقف کو اپنی تجویز کی سیاسی مخالفت قرار دیا ہے۔