تورے ویخا کے قبرستان میں قبر کے گڑھے میں گرنے سے ایک شخص زخمی
ایلیکانتے/صوبہ ایلیکانتے کے شہر تورے ویخا کے قبرستان میں ایک شخص قبر کی صفائی کے دوران تقریباً تین میٹر گہرے گڑھے میں گر کر زخمی ہو گیا۔صوبائی فائر بریگیڈ کے مطابق، یہ شخص قبر کی تختی (لحد) کی دیکھ بھال اور صفائی کا کام کر رہا تھا کہ اچانک توازن کھو بیٹھا اور قبر کے گہرے گڑھے میں جا گرا۔
واقعے کی اطلاع ملنے پر تورے ویخا فائر اسٹیشن کے اہلکار موقع پر پہنچے۔ زخمی شخص کو کمر میں شدید درد کی شکایت تھی، تاہم وہ ہوش میں تھا اور حرکت کرنے کے قابل تھا۔ریسکیو ٹیم نے خصوصی حفاظتی طریقہ کار اور ویکیوم میٹریس (Vacuum mattress) کی مدد سے اسے بحفاظت باہر نکالا، جس کے بعد اسے مزید طبی معائنے اور علاج کے لیے اسپتال منتقل کر دیا گیا۔
About The Author
