موجودہ خطرناک حالات میں پیدروسانچز کو یورپی یونین کی قیادت کرنی چاہیے۔امریکی اداکار مارک روفالو
Screenshot
امریکی اداکار مارک روفالو نے ہسپانوی وزیرِ اعظم پیدروسانچز کی تعریف کرتے ہوئے کہا ہے کہ موجودہ خطرناک حالات میں انہیں یورپی یونین کی قیادت کرنی چاہیے۔
فلمی دنیا میں ہلک کے کردار سے مشہور امریکی اداکار مارک رفالو نے ایران کی جنگ کے معاملے پر اسپین کے وزیرِ اعظم پیدرو سانچیز کے مؤقف کو سراہا ہے۔ انہوں نے خاص طور پر اس فیصلے کی تعریف کی جس میں اسپین نے امریکہ کو ایران پر حملے کے لیے اپنی فوجی اڈے استعمال کرنے کی اجازت نہیں دی۔
اس سے قبل معروف امریکی اداکارہ Susan Sarandon نے بھی گزشتہ ہفتے اسپین کے صدر کے غزہ کے معاملے پر مؤقف کی تعریف کی تھی۔ اسی طرح ایران کی جنگ کے حوالے سے سانچیز کی پالیسی کو ترکی میں بھی خاصی پذیرائی ملی، جہاں سوشل میڈیا صارفین، کاروباری شخصیات اور سرکاری ٹیلی ویژن نے بھی اس کی حمایت کی۔
اب مارک رفالو نے سوشل میڈیا پلیٹ فارم Threads پر ایک پیغام میں پیدرو سانچیز کی بھرپور تعریف کی۔ انہوں نے سانچیز کے اس بیان کا حوالہ دیا جس میں انہوں نے کہا تھا کہ:“حقیقی اتحادی مشکل وقت میں ایک دوسرے کا ساتھ دیتے ہیں، لیکن اندھی اطاعت نہیں کرتے، خاص طور پر جب راستہ خطرناک ہو۔”
رفالو نے لکھا“یہ شخص ان خطرناک حالات میں یورپی یونین کی قیادت کر رہا ہونا چاہیے۔ ہمیں اس جنگ سے پیچھے ہٹنا ہوگا۔ عراق میں جو غلطی ہوئی تھی ہمیں اس کے برعکس کرنا چاہیے۔ اس جنون کو روکنا ہوگا۔”
انہوں نے مزید کہا کہ ایران کوئی پسماندہ ملک نہیں ہے اور اس کی فوج، معاشرے اور عوام کو کم سمجھنا ایک بڑی غلطی ہے۔
اداکار کے مطابق یہ ایک اسٹریٹجک غلطی ہے جو اسرائیلی وزیرِ اعظم Benjamin Netanyahu کی پالیسیوں کے باعث مسلط کی جا رہی ہے، اور اس کے نتیجے میں دنیا مفلوج ہو سکتی ہے جبکہ بڑے پیمانے پر خونریزی اور ہلاکتیں بھی ہو سکتی ہیں۔ انہوں نے کہا کہ اس تنازع میں امریکہ کے ملوث ہونے کے پیچھے ابھی بھی کئی حقیقی وجوہات موجود ہیں اور اس کے نتائج پوری دنیا کو بھگتنا پڑیں گے۔
ان کی اس پوسٹ کو اب تک سترہ ہزار سے زائد افراد پسند کر چکے ہیں۔
About The Author
