وکرانت میسے نے سارہ علی خان نے معافی کیوں مانگی؟
فلم 12ویں فیل سے شہرت پانے والے اداکار وکرانت میسے نے ایک مرتبہ سارہ علی خان نے انکے بارے میں رائے قائم کرنے پر معافی مانگی تھی۔
مذکورہ واقعہ ایک انٹرویو کے دوران پیش آیا تھا، جس کی ویڈیو مختلف سوشل میڈیا پلیٹ فارمز پر دوبارہ وائرل ہوگئی۔
وکرانت کا کہنا تھا کہ بدقسمتی سے ہم سے پہلے سے رائے قائم کرلیتے ہیں کیونکہ ہم اقراباپروری اور اسٹاد کڈ کو حاصل سہولتوں سے متعلق سنتے رہتے ہیں۔
انکا کہنا تھا کہ میری بھی سارہ علی خان سے متعلق یہی رائے تھی کہ وہ ایک اسٹار ہے، ترجیحات شاید میک اپ اور بالوں پر ہوں گی، میں نے ان سے یہ کہا بھی اور پھر معافی بھی مانگ لی۔
وکرانت کا کہنا تھا کہ جب میں نے ان کے ساتھ فلم میں کام کرتے ہوئے وقت گزارا تو احساس ہوا کہ وہ اپنا کافی وقت اداکاری کو دیتی ہیں اور یہ انکی ترجیح ہے۔
انہوں نے یہ بھی کہا کہ میں ان سے متاثر ہوا اور انکے بارے میں رائے قائم کرنے پر معذرت بھی کی۔
سارہ علی خان نے وکرانت کی بات پر ردِ عمل دیتے ہوئے کہا کہ مجھے یاد نہیں کہ انہوں نے مجھ سے معذرت کی، البتہ میں انکی رائے قائم کرنے پر انہیں موردِ الزام نہیں ٹھہراؤں گی۔
انہوں نے یہ بھی کہا کہ میں ان تمام باتوں کی عادی ہوں، میں سمجھ سکتی ہوں کہ آخری میں کہاں سے تعلق رکھتی ہوں اور کون ہوں۔ لہٰذا اس متعلق لوگوں کے پہلے قائم رائے ہوتی ہیں تو مجھے پریشان نہیں کرتیں۔
