بارسلونا میں پوپ لیو چہاردہم کی زیارت کے لیے بالکونی کا کرایہ 900 یورو تک پہنچ گیا

بارسلونا میں پوپ لیو چہاردہم کی آمد کو دیکھنے کے لیے کچھ رہائشی اپنے گھروں کی بالکونیاں کرائے پر دے رہے ہیں، جن کی قیمت 150 یورو سے لے کر 900 یورو تک مقرر کی گئی ہے۔

روسئیو (Rosselló) اسٹریٹ اور ساگرادا فامیلیا کے اطراف رہنے والے افراد نے سیکنڈ ہینڈاشیاء کی خرید و فروخت والی ویب سائٹس پر اشتہارات دیے ہیں، جن میں “پوپ کی جلوس کی بہترین جھلک”، “نایاب موقع” اور “بہترین منظر” جیسے جملے شامل ہیں۔

سب سے مہنگا اشتہار روسئیو اور بیلن کے کونے پر واقع ایک بالکونی کا ہے، جس کی قیمت 900 یورو رکھی گئی ہے اور جس کے بارے میں دعویٰ کیا گیا ہے کہ وہاں سے منظر بالکل واضح ہے۔ کچھ اشتہارات میں قیمت ظاہر نہیں کی گئی، خاص طور پر وہ جو ساگرادا فامیلیا کے بالکل سامنے واقع گھروں کے ہیں۔

کچھ افراد صرف بالکونی ہی نہیں بلکہ اضافی سہولیات بھی فراہم کر رہے ہیں، جیسے مشروبات، کھانا، باتھ روم کے استعمال کی اجازت، لفٹ تک رسائی اور بیٹھنے کے لیے میز و کرسیاں۔

یہ بالکونیاں خاص طور پر اس راستے پر واقع ہیں جہاں سے 10 جون کو پوپ کا جلوس (پاپا موبائل) گزرے گا، جو ساگرادا فامیلیا کی جانب جائے گا جہاں پوپ حضرت عیسیٰ کے ٹاور کی برکت دینے والے ہیں۔

کئی مقامی افراد اس موقع کو اضافی آمدنی حاصل کرنے کا ذریعہ سمجھ رہے ہیں۔