پوپ کی مہاجرین سے ملاقات میں پیدروسانچز ہمراہ ہوں گے، حکومت ہجرت، امن اور مصنوعی ذہانت پر ہم آہنگی چاہتی ہے
Screenshot
حکومت اسپین پوپ لیون چہار دہم کے دورۂ اسپین کو بھرپور اہمیت دینا چاہتی ہے اور اس موقع پر ہجرت کے معاملے میں اپنے مؤقف کو پوپ کے ساتھ ہم آہنگ کرنے کی کوشش کر رہی ہے۔ وزیر اعظم پیدرو سانچیز، پوپ کے ساتھ گران کیناریا میں مہاجرین، کارکنوں اور رضاکاروں سے ملاقات میں شریک ہوں گے۔ یہ ملاقات 11 جون کو ارگینگوئین (Gran Canaria) کی بندرگاہ پر متوقع ہے۔
حکومتی ذرائع کے مطابق، سانچیز نہ صرف اس ملاقات میں بلکہ میڈرڈ، بارسلونا اور کینری جزائر میں ہونے والی دیگر تقریبات میں بھی پوپ کے ساتھ موجود ہوں گے۔ اس دوران کئی وزراء بھی شریک ہوں گے، جن میں فیلکس بولانیوس، اینخیل وکتر توریس اور ایلما سائیز شامل ہیں۔ اس سے قبل وزیر اعظم، پوپ کا استقبال Gandoگاندو ایئر بیس پر کریں گے۔
سانچیز بارسلونا میں ساگرادا فامیلیا کے دورے کے دوران بھی پوپ کے ساتھ ہوں گے اور وہاں ہونے والی مقدس عبادت میں شرکت کریں گے۔ یہ پہلا موقع ہوگا کہ وہ وزارت عظمیٰ سنبھالنے کے بعد کسی مذہبی تقریب میں باضابطہ شرکت کریں گے۔
حکومت کو امید ہے کہ پوپ کا خطاب، جو 8 جون کو ہسپانوی پارلیمنٹ میں متوقع ہے، مہاجرت، جنگی تنازعات اور مصنوعی ذہانت جیسے موضوعات پر حکومتی پالیسیوں کی تائید کرے گا۔ خاص طور پر مہاجرین کی غیر معمولی ریگولرائزیشن کے معاملے پر، جس کی بعض سیاسی جماعتیں مخالفت کر رہی ہیں۔
وزیر اعظم اس بات پر بھی زور دیتے ہیں کہ ہجرت کے مسئلے کا حل صرف یورپ میں نہیں بلکہ ان ممالک کے ساتھ مل کر نکالا جانا چاہیے جہاں سے لوگ ہجرت کرتے ہیں، تاکہ وہاں ایسے حالات پیدا کیے جا سکیں کہ لوگ نقل مکانی پر مجبور نہ ہوں۔
پوپ لیون چہار دہم نے حالیہ افریقی دورے میں بھی اسی مسئلے پر بات کی تھی اور مقامی آبادی کے لیے مواقع پیدا کرنے پر زور دیا تھا۔
اپنی پہلی مذہبی دستاویز (انسائیکلیکل) میں پوپ نے ڈیجیٹل دور میں “ڈیٹا کے نوآبادیاتی استحصال” پر بھی تنقید کی ہے۔ انہوں نے خبردار کیا کہ اگر ڈیٹا اور ٹیکنالوجی چند بڑی کمپنیوں کے ہاتھ میں رہی تو یہ ایک نئی قسم کی نوآبادیات بن سکتی ہے۔ سانچیز بھی اسی طرح مصنوعی ذہانت کے شعبے میں طاقت کے ارتکاز کو “خاموش نوآبادیات” قرار دیتے ہیں۔
About The Author
