مظہر حسین راجہ کی نواسی ایزل ذیشان راجہ کہ پہلی سالگرہ،خواتین ,بچوں اور رشتہ داروں نے شرکت کی
بارسلونا/بی ایم ایجوکٹرز کے ڈائریکٹر مظہر حسین راجہ کی نواسی ایزل ذیشان راجہ کہ پہلی سالگرہ کی تقریب اسکول کے ہال میں منعقد کی گئی جس میں خواتین ,بچوں اور رشتہ داروں نے شرکت کی۔ تقریب کا آغاز تلاوت کلام پاک سے ہوا جس کی سعادت بچے حسن احمد نے حاصل کی جبکہ نعت رسول مقبول صلی اللہ علیہ والہ وسلم ، مظہر حسین راجہ نے پیش کی۔
پاک فیڈریشن کی چیف پیٹرن مسز سیدذوالقرنین صاحبہ نے تقریب میں خصوصی شرکت اور خواتین سے خطاب کیا اور اسپین میں نئی آنے والی فیملیز کے مسائل بیان کیے اور خواتین کو موٹیویٹ کیا کہ آپس میں رابطے میں رہیں تو بہت سے مسائل کا حل نکل سکتا ہے۔ انھوں نے کہا کہ پاکستان میں آپ کا سارا خاندان آپ کے ساتھ ہوتا ہے لیکن یہاں پر خواتین کو ہر کام خود کرنا پڑتا ہے کیونکہ آپ کا خاوندیا دیگر گھر والے اپنے روزگار اور کاروبار میں بہت مصروف ہوتے ہیں۔ اس لیے پاکستان سے آتے ہی آپ سب سے پہلے ڈرائیونگ سیکھیں اور زبان سیکھیں جو یہاں حرکت کا بنیادی ٹول سمجھے جاتے ہیں اور جب زبان سے تھوڑی آگاہی ہو جائے تو پھر اپنی پسند کا کورس کریں اور اگر کاروبار کرنا چاہتی ہیں تو بھی بزنس کورس کریں ۔ اگر آپ کے اندر صلاحیت موجود ہے تو یہاں ترقی سے آپ کو کوئی نہیں روک سکتا لیکن محنت آپ نے خود کرنی ہے۔
انھوں نے مزید کہا کہ بچوں کی تعلیم و تربیت کے لیے بھی اگاہی حاصل کرتی رہیں ،اسکول انتظامیہ سے رابطہ رکھیں، والدین اپنے بچوں کو گھر میں ٹائم دیں اور بچوں کو اردو زبان اور اسلامیات کی کتاب خود پڑھایا کریں۔
سپینش زبان اور اردو زبان دونوں ہی ہمارے لیے لازم و ملزوم ہیں۔ بچوں کو اردو زبان سکھائیں اور والدین خود سپینش سیکھیں۔ انہوں نے خواتین کو تلقین کی کہ وومن کونسل کے ساتھ وابستہ ہو جائیں اور خواتین کے مختلف پروگراموں شرکت کیا کریں جس میں آپ کو بہت ساری معلومات ملتی رہیں گی اور آپ اپنے بچوں میں مسلم اور پاکستانی کلچر کو آسانی سے پروان چڑھا سکیں گی۔
تقریب کے آخر میں دعاء کی گئی اور سالگرہ کا کیک کاٹ کر خوشی کا اظہار کیا گیا۔
