چوہدری محمد اشفاق باغانوالہ کا رمضان المبارک کے آخری عشرہ میں اعتکاف،دوست احباب مبارک کے لئے ڈیرہ باغانوالہ پہنچ گئے

بارسلونا(دوست اوورسیزنیوز) معروف سماجی اور کاروباری شخصیت چوہدری محمد اشفاق باغانوالہ کا رمضان المبارک کے آخری عشرہ میں اعتکاف،شوال کا چاند نظر آنے پر چوہدری امانت حسین مہر،چوہدری شعیب ورک،حافظ عبدالرزاق صادق ،آصف بٹ،رانا منیر احمد،چوہدری بلال باسط کی ڈیرہ باغانوالہ آمد اور پھولوں کے گلدستے اور مٹھائی کی ٹوکریاں پیش کرکے اعتکاف سے لے کر گھر پہنچے اور مبارک باد دی۔

اس موقع پر چوہدری اشفاق باغانوالہ کی جانب سے تمام دوست احباب کے اعزاز میں افطارڈنر کا اہتمام کیا گیا تھا۔

نماز مغرب کے بعد تمام دوستوں کو پرتکلف کھانا پیش کیا گیا،چوہدری اشفاق باغانوالہ کے والد محترم نے اس خوشی اور بابرکت موقع پر تمام مہمانوں کی آمد پر شکریہ ادا کیا اور دعا کی اللہ سبحانہ تعالی اس محبت اور تعلق تاحیات قائم ودائم رکھے۔

معروف پاکستانی بزنس مین اور معروف سماجی شخصیت چوہدری امانت حسین مہر نے اس مبارک موقع پر خوشی کا اظہار کرتے ہوئے کہا کہ اللہ سبحانہ تعالی رمضان میں کی گئی تمام دوستوں کی دعاؤں کو قبول فرمائے اور ہمیں اپنے والدین کی خدمت کی توفیق عطافرمائے آمین