پاک فیڈریشن سپین کے وفد کی کاتالونیا کی پولیس ‘موسوس دے ایس کوادرا ” کے افسران سے ملاقات
بارسلونا(مظہر حسین راجہ سیکرٹری انفارمیشن /11 اپریل 2024 بروز جمعہ) پاک فیڈریشن سپین کے وفد کی کاتالونیا کی پولیس ‘موسوس دے ایس کوادرا ” کے افسران سے ملاقات جس میں بہت سارے مسائل پر بات چیت ہوئی۔ اس میٹنگ میں، راجہ شفیق کیانی، چوہدری ثاقب طاہر، راجہ ساجد محمود، نذیر گوندل اور ہیرا رمضان نے شرکت کی۔
موسوس کے اعلیٰ عہدیداروں نے کمیونٹی سے متعلق کئی مسائل پر مشاورت اور تعاون مانگا۔ اور باہمی تعاون کی یقین دھانی کروائی۔ مزید پاکستانی کمیونٹی کو پولیس میں بھرتیوں کی دعوت اور معلومات فراہم کیں۔
جب بھی کمیونٹی سے متعلقہ کوئی مسئلہ ہو تو پولیس افسران معلومات کیلئے تبادلہ خیال کرتے رہتے ہیں اور بہت دفعہ اعتماد میں لینے کے لیے میٹنگ کرتے رہتے ہیں۔ وہ چاہتے ہیں کہ قانونی کاروائی عمل میں لانے سے پہلے معاملات کو مصالحت سے حل کرنے کی کوشش کرنی چاہیے تا کہ لوگوں کا وقت، پیسہ اور صلاحیتیں ضائع نہ ہوں۔ پاکستانی یوتھ کے لڑائی جھگڑے، سکولوں میں بچوں کے مسائل، بچوں کے والدین کے ساتھ یا اولاد کے والدین کے ساتھ، یا سکول میں رویے وہ مسائل ہیں جن پر مقامی انتظامیہ چاہتی ہے پاکستانی کمیونٹی کے ساتھ مل جل کر ان کو حل کیا جائے اور آج کی میٹنگ میں بھی اس طرح کے بہت سے مسائل پر بات چیت ہوئی۔
یاد رہے کہ پولیس سمیت مقامی ادارے پاکستانی کمیونٹی کے مسائل کے حل کے لیے ہمہ وقت کوشاں ہیں۔ لوگوں کو چاہیے کہ اپنے کاروبار و کام کے ساتھ ساتھ اپنے بچوں و فیملیز کو بھی زیادہ سے زیادہ ٹائم دیں۔ ان کی تعلیم و تربیت پر پوری توجہ دیں اور انہیں مستقبل میں مقامی اداروں میں اعلی عہدوں پر فائض ہونے کے لیے موٹیویٹ کریں۔ مقامی پولیس افسران چاہتے ہیں کہ پاکستانی بچے پولیس میں بھی بھرتی ہو کر ملک کی خدمت کریں۔ اسی طرح جو بچے اسکول نہیں پڑھتے انہیں اپنا من پسند کورس کروائیں اور فنی تعلیم سے اراستہ کر کے تا کہ وہ مقامی اداروں میں اپنی خدمات سر انجام دے کر عزت سے روزی کمائیں اور ملک و قوم کا نام بھی روشن کریں۔
About The Author
