مسائل کے باوجود پی ٹی آئی الیکشن میں حصہ لے رہی ہے، شعیب شاہین

پاکستان تحریک انصاف (پی ٹی آئی) کے رہنما شعیب شاہین نے کہا ہے کہ مسائل کے باوجود پی ٹی آئی الیکشن میں حصہ لے رہی ہے۔ 

جیو نیو کے پروگرام آج شاہ زیب خانزادہ کے ساتھ میں گفتگو کے دوران شعیب شاہین نے کہا کہ پی ٹی آئی کے ساتھ ہونے والی نا انصافیوں پر عوام شدید غصے میں ہیں۔ بلے کا انتخابی نشان نہ ہونے سے الیکشن میں مسئلہ تو ہوگا۔ 

انہوں نے کہا کہ اس الیکشن میں ٹرن آؤٹ پہلے سے زیادہ ہوگا، لوگوں میں غصہ ہے۔ 

شعیب شاہین نے کہا کہ ہم پارٹی کے منشور پر الیکشن لڑ رہے ہیں، پارٹی اپنی جگہ موجود ہے۔