سیکیورٹی فورسز کا شمالی وزیرستان میں آپریشن، دہشت گرد نیک مان اللہ ہلاک
سیکیورٹی فورسز نے شمالی وزیرستان میں خفیہ اطلاع پر آپریشن کیا ہے۔ آئی ایس پی آر کے مطابق شدید فائرنگ کے تبادلے میں دہشت گرد نیک مان اللّٰہ ہلاک ہوگیا۔
آئی ایس پی آر کے مطابق سیکیورٹی فورسز نے دہشت گردوں کی موجودگی کی اطلاع پر آپریشن کیا۔
ہلاک دہشت گرد سے اسلحہ، گولہ بارود اور دھماکہ خیز مواد برآمد ہوا ہے۔ ہلاک دہشت گرد شہریوں کی ٹارگٹ کلنگ اور دہشتگردی کی متعدد کارروائیوں میں سرگرم تھا۔
آئی ایس پی آر کے مطابق علاقے میں ممکنہ دہشتگرد کو ختم کرنے کےلیے کلیئرنس آپریشن جاری ہے۔
آئی ایس پی آر کے مطابق سیکیورٹی فورسز ملک سے دہشتگردی کے خاتمے کے لیے پُرعزم ہیں۔
