بارسلونا میں ٹائٹینک کی 200 سے زائد اصل اشیاء کی نمائش،ستمبر کے آخر تک جاری رہے گی

بارسلونا(دوست نیوز)بارسلونا کے پوپلیناؤ (Poblenou) علاقے میں واقع “ایسپائی انمرسا” (Espai Inmersa) میں ایک نئی نمائش جاری ہے: “ٹائٹینک۔ دی آفیشل ایگزیبیشن”، جو 1912 میں ڈوبنے والے بحری جہاز کے مناظر کو دوبارہ تخلیق کرتی ہے۔ یہ نمائش 28 ستمبر تک عوام کے لیے کھلی رہے گی۔

نمائش میں 200 سے زائد اصل اشیاء شامل ہیں جو ٹائٹینک کے ملبے سے برآمد کی گئی ہیں۔ یہ 3,000 مربع میٹر کے رقبے پر محیط ہے، جس میں نمائش ہالز، ایک انمرسیو روم، جہاز کے مناظر کی تخلیقات اور ورچوئل رئیلٹی کا ایک حصہ شامل ہے۔

RMS Titanic Inc کی ڈائریکٹر، توماسی نا رے (Tomasina Ray) نے بتایا کہ وہ چاہتی ہیں کہ عوام ان تاریخی اشیاء کے قریب جا سکیں۔ ان کے مطابق یہ نمائش “مسافروں کی یادوں کو زندہ رکھنے کا ایک طریقہ ہے”۔

دورے کا آغاز ایک بورڈنگ پاس کے ساتھ ہوتا ہے، جس پر ایک حقیقی مسافر کا نام درج ہوتا ہے۔ آگے جا کر ایک ہال میں یہ دیکھا جا سکتا ہے کہ آیا وہ مسافر “بچ جانے والوں” کی فہرست میں شامل ہے یا “لاپتہ” افراد میں۔

RMS Titanic Inc نے جہاز کے ملبے تک 9 مہمات کے ذریعے 5,000 اشیاء برآمد کی ہیں، جن میں سے 200 نمائش میں شامل کی گئی ہیں۔ ان میں ذاتی اشیاء جیسے گھڑیاں، سوٹ کیسز، کھانے کے برتن اور جہاز کے لنگر کی بوائیاں شامل ہیں۔

دورے میں ایک آئس برگ بھی شامل ہے، جسے چھو کر زائرین برف کے حقیقی احساس کا تجربہ کر سکتے ہیں۔ ایک انمرسیو روم اور VR علاقہ زائرین کو جہاز کے ڈوبنے کے لمحے میں لے جاتا ہے۔ ورچوئل ریئلٹی چشمے لگا کر زائرین ملبے تک کا سفر اور ڈوبنے کا منظر دیکھ سکتے ہیں۔

بارسلونا پہلی جگہ ہے جہاں یہ تینوں عناصر — نمائش ہالز، انمرسیو روم، اور VR روم — ایک ساتھ پیش کیے جا رہے ہیں۔ ٹکٹیں آن لائن دستیاب ہیں