کیرتی سینن کو بھی یو اے ای کا گولڈن ویزا مل گیا
سپر اسٹار شاہ رخ خان، رنویر سنگھ اور دیگر بالی ووڈ اسٹارز کی طرح اداکارہ کیرتی سینن کو بھی متحدہ عرب امارات کا گولڈن ویزا مل گیا ہے۔
کیرتی سینن کو یہ متعبر ویزا بالی ووڈ ایکٹریس کیٹیگری میں دیا گیا ہے۔ اس ویزے کے حصول کے بعد اب وہ یو اے ای میں طویل قیام کرسکیں گی جبکہ انہیں یہاں آزادی کے ساتھ رہنے، کام کرنے اور اسٹڈی کی بھی اجازت ہوگی۔
انہیں مندرجہ بالا مقاصد کےلیے کسی اماراتی شہری کی اسپانسرشپ درکار نہیں ہوگی جبکہ وہ مکمل اونرشپ کے ساتھ بزنس بھی کرسکیں گی۔
کیرتی سینن نے یہ گولڈن ویزا ای سی ایچ ڈیجیٹل کے سی ای او اقبال مارکونی سے وصول کیا۔
اس موقع پر انکا کہنا تھا کہ یو اے ای کا گولڈن ویزا حاصل کرنا انکے لیے ایک اعزاز ہے، دبئی کا میرے دل میں ایک خاص مقام ہے۔
واضح رہے کہ اس سے قبل شاہ رخ خان، سنجے دت، ثانیہ مرزا، بونی کپور اور انکے بچے، ورون دھون، کمل ہاسن، مموتی، دلقر سلمان، مونی رائے، سنیل شیٹی، فرح خان، سونو سود سمیت متعدد اداکار اور دیگر شخصیات گولڈن ویزا حاصل کرچکی ہیں۔
