سندھ پریمیئر لیگ کے پہلے ایڈیشن کا آغاز، افتتاحی تقریب سے آصفہ بھٹو کا خطاب
کراچی میں سندھ پریمیئر لیگ (ایس پی ایل) کے پہلے ایڈیشن کا آغاز ہوگیا، افتتاحی تقریب میں آصفہ بھٹو زرداری نے بطور مہمان خصوصی شرکت کی۔
سینیٹر شیری رحمان، میئر کراچی مرتضیٰ وہاب، نگران صوبائی وزراء احمد شاہ اور ڈاکٹر جنید علی شاہ بھی تقریب میں موجود تھے۔
نیشنل اسٹیڈیم کراچی میں سندھ پریمیئر لیگ کے پہلے ایڈیشن کی افتتاحی تقریب کا آغاز قومی ترانے سے ہوا۔
ایونٹ کی مہمان خصوصی آصفہ بھٹو نے اپنے خطاب میں کہا کہ یہ لیگ نہ صرف پورے ملک بلکہ دنیا کو بتائے گی کہ سندھ میں کتنا ٹیلنٹ ہے۔
اس سے قبل افتتاحی تقریب میں سندھ پریمیئر لیگ کے صدر ہارون ملک، میئر کراچی مرتضیٰ وہاب، نگران صوبائی وزراء ڈاکٹر جنید علی شاہ اور احمد شاہ نے بھی خطاب کیا۔ تقریب کے آخر میں آتش بازی کا مظاہرہ بھی ہوا۔
