موسوس پولیس کا ’کانپائی پلان‘: چوری شدہ سامان خریدنے والوں کے خلاف بڑی کارروائی
Screenshot
بارسلونا (19 ستمبر 2025) موسوس دی اسکوادرا پولیس نے ’’کانپائی پلان‘‘ کے تحت بارسلونا اور اطراف میں ایک بڑے آپریشن کے دوران چوری شدہ سامان خریدنے اور بیچنے والوں کے خلاف کارروائی کی۔ یہ مہم 12 گھنٹے تک جاری رہی جس میں ایک ہزار پولیس اہلکار، پرائیویٹ سکیورٹی، محنت کے محکمے کے انسپکٹرز اور ٹرانسپورٹ انٹرونٹرز شریک ہوئے۔
یہ ’’کانپائی پلان‘‘ اپریل میں شروع کیا گیا تھا اور کل اس کا آٹھواں مرحلہ عمل میں آیا۔ اس بار ہدف وہ لوگ تھے جو چوری شدہ زیورات اور موبائل فونز خرید کر چوروں کو سہولت فراہم کرتے ہیں۔ پولیس نے بارسلونا کے مختلف علاقوں میں موبائل خرید و فروخت کرنے والی دکانوں، سونے کے کاروبار، لوکیٹریوز اور یہاں تک کہ کچھ حجام کی دکانوں میں بھی چھاپے مارے۔ ابتدائی نتائج کے مطابق ایک درجن سے زائد گرفتاریاں عمل میں آئیں، جن میں ایک شخص ’’لیس کارتس‘‘ کے ایک لوکیٹریو سے ’’ریسیپشن‘‘ کے الزام میں گرفتار ہوا۔
آپریشن میں جدید تجزیاتی طریقے استعمال کیے گئے تاکہ ملزمان کے اصل نیٹ ورک تک پہنچا جا سکے۔
مختلف میونسپل پولیس فورسز نے بھی اس آپریشن میں حصہ لیا، تاہم ’’ہوسپیتالت‘‘ کی پولیس نے داخلی تنازعات کے باعث شرکت نہیں کی۔ اس کے علاوہ پولیس نیشنل، برائمو، آرو اور ڈاگ یونٹ نے بھی حصہ ڈالا لیکن صرف شہری سکیورٹی کے فرائض تک محدود رہے۔
موسوس کی قیادت کے مطابق یہ منصوبہ اگرچہ کسی بڑے جرم سے متعلق نہیں، لیکن بار بار ہونے والی ان وارداتوں نے عوام میں عدم تحفظ اور بے بسی کا احساس بڑھا دیا ہے۔ ’’کانپائی پلان‘‘ اسی احساس کو ختم کرنے اور مجرموں کے نیٹ ورک کو توڑنے کے لیے جاری ہے۔
About The Author
