لامین یامل کے والد نے 23 سالہ گرل فرینڈ سے منگنی کرلی

جبکہ ایف سی بارسلونا کے نوجوان اسٹار لامین یامل اپنی گرل فرینڈ نِکی نِکول سے علیحدگی کے بعد نئی زندگی کی شروعات کی کوشش کر رہے ہیں، ان کے والد مونیئر نسراؤی خوشگوار مرحلے سے گزر رہے ہیں۔ نسراؤی، جو سوشل میڈیا پر “ہسل ہارڈ” کے نام سے مشہور ہیں، نے اپنی 23 سالہ دوست کرسٹینا سے منگنی کا اعلان کیا ہے۔

یہ اعلان انہوں نے انسٹاگرام پر کیا، جہاں وہ اپنے بیٹے کی شہرت کے بعد خود بھی ایک معروف شخصیت بن چکے ہیں۔ ان کے ایک ملین سے زائد فالوورز ہیں، جن کے ساتھ وہ اپنی روزمرہ زندگی کے لمحات شیئر کرتے ہیں۔ ان کے لائیو ویڈیوز میں آلو کے آملیٹ اور چکن ونگز بنانا خاص طور پر مقبول ہیں۔

منگنی کی خبر ایک تصویر کے ذریعے سامنے آئی، جس میں مونیئر نسراؤی اور کرسٹینا بالکونی پر دکھائی دے رہے ہیں۔ تصویر کے ساتھ انہوں نے ایک سیاہ دل اور انگوٹھی والا ایموجی استعمال کیا۔

یاد رہے کہ نسراؤی نے اپریل گزشتہ سال چیمپیئنز لیگ کی سیمی فائنل (بارسلونا بمقابلہ انٹر) کے دوران پہلی بار اپنی دوست کا تعارف عوام سے کرایا تھا۔ عمر کے فرق کے باعث اس رشتے نے ابتدا ہی سے توجہ حاصل کی۔ مونیئر نسراؤی کی عمر 39 سال اور کرسٹینا کی 23 سال ہے۔

چند دن قبل انہوں نے ایک ریستوران میں اپنی منگیتر کے ساتھ ایک اور تصویر شیئر کی جس کے کیپشن میں لکھا تھا: “My Candy” (میرا کیراملو)۔ ابھی تک شادی کی تاریخ کا اعلان نہیں کیا گیا۔