ایک ہزار گولز کا سنگ میل عبور کروں گا انشا اللہ، رونالڈو مسلسل تیسری بار مشرق وسطیٰ کے بہترین فٹبالر قرار

دبئی: پرتگال کے اسٹار فٹبالر کرسٹیانو رونالڈو نے مسلسل تیسرے سال مشرق وسطیٰ کے بہترین کھلاڑی کا ایوارڈ جیت لیا۔

کرسٹیانو رونالڈو نے 28 دسمبر کو دبئی میں منعقد ہونے والے 2025 گلوب سوکر ایوارڈز میں مسلسل تیسری بار بہترین مڈل ایسٹ فٹبالر کا ایوارڈ اپنے نام کرلیا۔

40 سالہ فٹبالر نے تقریب کے دوران اپنے کیریئر کے 1000 گولز مکمل کرنے کے عزم کا بھرپور اظہار کیا۔

رونالڈو نے تقریب سے خطاب کرتے ہوئے  کہ میں کھیلتے  رہنا چاہتا ہوں۔ آپ جانتے ہیں میرا ہدف کیا ہے۔ میں مزید ٹرافیاں جیتنا چاہتا ہوں اور (1000 گولز) مکمل کرنا  چاہتا ہوں ،میں ضرور اس نمبر تک پہنچوں گا، اگر کوئی انجری نہ ہوئی، ان شاء اللہ۔

واضح رہے کہ النصر کی جانب سے الاخدود کے خلاف حالیہ میچ میں 2 گول کرنے کے بعد کرسٹیانو رونالڈو کے کیریئر گولز کی تعداد 956 ہو چکی ہے۔ 

اس طرح وہ تاریخی 1000 گولز کے سنگِ میل سے صرف 44 گول دور ہیں، یہ ایک ایسا اعزاز ہے جو  آج تک کوئی فٹبالر باضابطہ طور پر حاصل نہیں کر سکا

About The Author

DailyDost

See author's posts