بارسلونا میں نئے سال کی آمد: موسیقی، آتش بازی اور 500 ڈرونز کے ساتھ 2026 کا استقبال
بارسلونا(دوست نیوز)بارسلونا ایک بار پھر نئے سال کی آمد روایتی انداز میں منانے جا رہا ہے۔ 31 دسمبر کی رات ایونیدا دے لا رینا ماریا کرستینا پر شاندار آتش بازی، موسیقی اور جدید ٹیکنالوجی سے مزین ایک خصوصی آڈیو ویژول شو کے ذریعے 2025 کو الوداع اور 2026 کا استقبال کیا جائے گا۔ اس موقع پر 500 ڈرونز فضا میں مختلف مناظر پیش کریں گے جبکہ نصف شب کی گھنٹیاں تقریب کا مرکزی لمحہ ہوں گی۔
یہ شو ایک مرتبہ پھر فرانسیسی کمپنی گروپ ایف (Groupe F) کی جانب سے تیار کیا گیا ہے۔ اس سال کی خاص بات بارسلونا سے تعلق رکھنے والے معروف موسیقار مارک پیروت کی تخلیق کردہ اصل موسیقی ہے، جس میں روایتی اور جدید دھنوں کا حسین امتزاج پیش کیا گیا ہے۔ شو رات 11 بج کر 50 منٹ سے شروع ہو کر 12 بج کر 10 منٹ تک جاری رہے گا۔ اس کے بعد تقریباً 45 منٹ تک ہلکی موسیقی چلائی جائے گی تاکہ شرکا بتدریج اور محفوظ طریقے سے واپسی کر سکیں۔
اس نائٹ شو میں مارک پیروت نے گروپ ایف کے ساتھ مل کر ایسی موسیقی ترتیب دی ہے جو ماضی اور مستقبل کے درمیان ایک مکالمہ قائم کرتی ہے۔ اس میں روایتی ساز جیسے ٹینور، ٹیبل، فلابیول، فِسکورنو، گریلّا اور گٹار شامل ہیں، جنہیں جدید الیکٹرانک آوازوں کے ساتھ ہم آہنگ کیا گیا ہے۔ قدیم لوک گیتوں، رمبا اور ہبانیرہ کو نئے انداز میں پیش کیا جائے گا۔
یہ آڈیو ویژول پیشکش چار حصوں پر مشتمل ہوگی جو ہوا، پانی، زمین اور آگ کی نمائندگی کریں گے۔ ہر عنصر کاتالونیا کے باسیوں کے مزاج اور خصوصیات کی علامت ہوگا۔ براہ راست موسیقی، آتش بازی اور ڈرون ٹیکنالوجی کے امتزاج سے ایونیدا ماریا کرستینا ایک بار پھر نئے سال کے استقبال کا مرکزی اسٹیج بن جائے گی۔
تقریب کے پیش نظر پلازا دے اسپانیا اور مونتجوئک کے اطراف میں ٹریفک اور پارکنگ پر نمایاں پابندیاں عائد کی جائیں گی۔
31 دسمبر کی رات 12 بجے سے یکم جنوری کی صبح 2 بجے تک ایونیدا دے لا رینا ماریا کرستینا اور اس سے ملحقہ کئی سڑکوں پر پارکنگ ممنوع ہوگی،
About The Author
