خواتین کے مخصوص ایام کی ادویات اور مصنوعات،پہلے دن ڈیڑھ لاکھ سے زائد نے  QR کوڈ ڈاؤن لوڈ کیا

ڈاکٹر قمر فاروق

بارسلونا/ کاتالان فارمیسیوں نے ماہواری سے متعلق 63 دوبارہ قابل استعمال مصنوعات فری تقسیم شروع کردی ہے یہ کاتالونیا کی کونسل آف فارماسیوٹیکل کالجز آف کاتالونیا (CCFC) اور کاتالونیا کے جنرالیتات کے شعبہ مساوات اور حقوق نسواں کی طرف سے فروغ دی گئی مہم ہے

مہم کے پہلے دن لامیوا سلوتLa Meva Salut ایپ کے ذریعے 166,145 خواتین نے QR کوڈ ڈاؤن لوڈ کیا ہے۔خاص طور پر کل 38,000 کپ، ماہواری کی پینٹی اور کپڑے کے پیڈ پیش کیے گئے ہیں۔ ان میں سے 20,776 کو فوری طور پر پہنچایا گیا اور 17,218 کو محفوظ کیا گیا۔ 

کاتالونیا کے فارماسیوٹیکل کالجز کی کونسل کے صدر جوردی کاساس نے کہا کہ اس اقدام کو مجموعی طور پر عوام کی طرف سے بہت پذیرائی ملی ہے”، 

ڈیلیوری کے وقت فارماسیوٹیکل پروفیشنلز وضاحت کرتے ہیں کہ ماہواری کی کون سی مصنوعات تقسیم کی جاتی ہیں اور ہر فرد کی ضروریات کے مطابق مصنوعات کا انتخاب کرنے میں ان کے ساتھ ہوتے ہیں۔ اس کے علاوہ، وہ جمع کرنے کے وقت ذاتی مشورے اور معیاری معلومات پیش کرتے ہیں۔ ایسا کرنے کے لیے، حالیہ مہینوں میں کاتالونیامیں فارماسسٹوں نے جنسی اور تولیدی حقوق سے متعلق تربیت حاصل کی ہے۔