بارسلونا سٹی کونسل کا تیلیفونیکا کو حکم، اسٹرینجر تھنگز کے چار مین ہول ڈھکن فوری ہٹائے جائیں

بارسلونا(دوست نیوز)بارسلونا کی بلدیہ نے ٹیلی کمیونی کیشن کمپنی تیلیفونیکا کو ہدایت کی ہے کہ وہ شہر میں نصب کی گئی Stranger Things سیریز سے منسوب چار مین ہول ڈھکن فوری طور پر ہٹا دے۔ یہ ڈھکن گزشتہ دسمبر میں نیٹ فلکس کی مقبول سیریز کے پانچویں سیزن کی تشہیری مہم کے تحت نصب کیے گئے تھے۔

یہ اقدام مووی اسٹار (Movistar) کی اس پروموشنل مہم کا حصہ تھا جس کے تحت اسپین کے مختلف شہروں میں کمپنی کی ملکیت میں موجود مجموعی طور پر 41 مین ہول ڈھکن عارضی طور پر تبدیل کیے گئے۔ اس مہم کا مقصد سیریز کے شائقین کو متوجہ کرنا تھا۔

مووی اسٹار کی تشہیری مہم کے مطابق، وہ افراد جو انسٹاگرام پر ان خصوصی مین ہول ڈھکنوں کے ساتھ تصویر یا ویڈیو شیئر کرتے، ان کے درمیان دو افراد کے لیے لندن کے سفر کا قرعہ اندازی کے ذریعے انتخاب کیا جانا تھا، جہاں وہ اسٹرینجر تھنگز پر مبنی تھیٹر شو “Stranger Things: The First Shadow” دیکھ سکتے تھے، جو سیریز کی کہانی سے پہلے کے واقعات پر مبنی ہے۔

تاہم، بارسلونا سٹی کونسل نے اس مہم پر اعتراض کرتے ہوئے تیلیفونیکا کو ہدایت دی ہے کہ شہر کی حدود میں نصب کیے گئے یہ چاروں ڈھکن ہٹا لیے جائیں۔ بلدیہ کے مطابق، عوامی مقامات پر اس نوعیت کی تنصیبات کے لیے پیشگی اجازت ضروری ہوتی ہے۔

واضح رہے کہ Stranger Things نیٹ فلکس کی کامیاب ترین سیریز میں شمار ہوتی ہے اور اس کا پانچواں سیزن شائقین بے چینی سے انتظار کر رہے ہیں۔