اسپین میں مقیم پاکستانیوں کے مسائل اور "اوپن امیگریشن” کے حوالے سے وفد کی اہم ملاقاتیں

بارسلونا(پ ر)گزشتہ چند روز کے دوران ہسپانوی نژاد پاکستانیوں کے ایک اعلیٰ سطحی وفد نے اسپین میں مقیم پاکستانیوں، بالخصوص غیر قانونی مقیم ہم وطنوں کو درپیش دستاویزاتی مسائل کے حل کے لیے اہم حکومتی شخصیات اور سفارتی حکام کے ساتھ ملاقاتوں کا سلسلہ جاری رکھا。

قونصلیٹ جنرل بارسلونا میں ملاقات (3 فروری)

وفد نے 3 فروری کو قونصلیٹ جنرل بارسلونا کا دورہ کیا اور قونصل جنرل مراد علی وزیر اور کمیونٹی اتاشی سالک محمود گوندل صاحب سے ملاقات کی。

* تعریف و ستائش: کمیٹی نے قونصلیٹ کی دن رات کی خدمات اور کمیونٹی کے لیے آسانیاں پیدا کرنے کی کوششوں کو سراہا。

* تجاویز: وفد نے پاسپورٹ کی گمشدگی پر پولیس رپورٹ کی شرط ختم کرنے اور کریکٹر سرٹیفکیٹ کے لیے اتھارٹی لیٹر کی ضرورت کو ختم کرنے کی تجاویز پیش کیں。

سفیرِ پاکستان اور چیئرمین OPF سے اہم میٹنگز (4-5 فروری)

وفد نے مزید اہم پیش رفت کرتے ہوئے آن لائن ملاقاتیں کیں:

* بدھ، 4 فروری: سفیرِ پاکستان، جناب ڈاکٹر ظہور احمد صاحب سے تفصیلی میٹنگ ہوئی。

* جمعرات، 5 فروری: چیئرمین او پی ایف (OPF)، جناب سید قمر شاہ صاحب کے ساتھ خصوصی نشست ہوئی。

پیش کردہ بنیادی مطالبات

کمیٹی نے "ون ونڈو آپریشن” کے تحت درج ذیل مطالبات پیش کیے جنہیں حکام نے سراہتے ہوئے وزارتِ داخلہ کو بھیجنے کی ہدایت کی:

* ون ونڈو آپریشن: کریکٹر سرٹیفکیٹ، نیشنل پولیس بیورو (NPB) اور اپوسٹائل کی سہولیات ایک ہی چھت تلے فراہم کی جائیں。

* فوری سروس: غیر ضروری دستاویزات کی ڈیمانڈ ختم کر کے عمل کو 5 سے 7 دن میں یقینی بنایا جائے。

* شفافیت اور رہنمائی: ہر دفتر کے باہر مطلوبہ دستاویزات کی فہرست اور فیس اردو میں تحریر کی جائے، اور کسی بھی سطح پر ایمپادرون یا انٹری ایگزٹ اسٹیمپ جیسے غیر ضروری کاغذات نہ مانگے جائیں。

* بدعنوانی کا سدِباب: کوریئر کمپنیوں اور سرکاری دفاتر کے باہر پولیس اہلکار تعینات کیے جائیں تاکہ رشوت لینے والے عناصر کے خلاف فوری ایکشن لیا جا سکے。

ہنگامی اپیل

وفد نے حکام کو باور کرایا کہ اسپین میں امیگریشن کا عمل محدود وقت کے لیے ہے。 اگر فوری فیصلے نہ کیے گئے تو خدشہ ہے کہ پاکستانی کریکٹر سرٹیفکیٹ بنواتے رہ جائیں گے اور یہاں امیگریشن کا وقت ختم ہو جائے گا، جس سے ہزاروں پاکستانیوں کا مستقبل داؤ پر لگ سکتا ہے。

وفد کے اراکین اور متعلقہ تنظیمیں

کمیٹی کے رہنما اور تنظیمیں:

* راجہ شفیق کیانی: پاکسلونا کلچرل ایسوسی ایشن

* خالد شہباز چوہان: پاک کاتالان فیڈریشن

* بیرسٹر عدیل خان یوسفزئی: ای یو-پاک اسٹوڈنٹس اینڈ لیبر رائٹس

* طاہر رفیع: آل پاکستان فیملی ایسوسی ایشن

* علی راشد بٹ: تنظیم امن برائے امن (Peace for Peace Organization)

* سید ذوالقرنین شاہ: پاکستان فورم اسپین

* وقاص اکرم: پاکستان ایسوسی ایشن لا ریوخا

* فرحان مہر: او پی جی ایف (Overseas Pakistani Global Foundation)

پیشہ ورانہ ماہرین اور معاونین:

* بیرسٹر عدیل خان یوسفزئی: آفیشل لیگل ری پریزنٹیشن (قانونی نمائندہ)