ہسپانوی وزیراعظم سانچز اور جرمن چانسلر مرز کا اختلاف ختم،اسپین کے ساتھ اظہار یکجہتی
Screenshot
برسلز/ یورپی کونسل کے اجلاس کے موقع پر گفتگو کرتے ہوئے پیدرو سانچیز نے کہا کہ وہ اس بات کو سراہتے ہیں کہ مرز نے ٹرمپ کے ساتھ نجی ملاقات میں یورپ اور خاص طور پر جرمنی کی جانب سے اسپین کے ساتھ یکجہتی کا اظہار کیا، خاص طور پر اس وقت جب اسپین کو دباؤ یا ممکنہ معاشی اقدامات کی دھمکی کا سامنا تھا۔
سانچیز نے کہا“میرے لیے اہم اور قابلِ ذکر بات یہ ہے، اور میں چانسلر مرز کا شکریہ ادا کرنا چاہتا ہوں، کہ انہوں نے صدر ڈونلڈ ٹرمپ کے ساتھ اپنی نجی ملاقات میں یورپ کی یکجہتی اور یقیناً جرمنی کی جانب سے اسپین کے ساتھ حمایت کی وضاحت کی۔”
اس بات کا ثبوت بھی سامنے آیا کہ دونوں رہنماؤں کے درمیان اختلاف ختم ہو چکا ہے، جب یورپی کونسل کے اجلاس کے ہال میں داخل ہوتے ہی سانچیز سیدھا مرز کے پاس گئے، مسکراتے ہوئے مصافحہ کیا اور مختصر گفتگو بھی کی۔
اس سے قبل ہسپانوی حکومت نے اس بات پر ناراضی کا اظہار کیا تھا کہ جب ٹرمپ نے وائٹ ہاؤس میں ملاقات کے دوران اسپین پر دفاعی اخراجات کو جی ڈی پی کے 5 فیصد تک نہ بڑھانے پر تنقید کی اور تجارتی پابندی (embargo) کی دھمکی دی، تو مرز نے کھل کر اسپین کا دفاع نہیں کیا۔
اس معاملے پر ہسپانوی وزیر خارجہ خوسے مینوئل الباریس نے اپنے جرمن ہم منصب سے ٹیلیفون پر رابطہ کیا اور حیرت کا اظہار کیا۔ انہوں نے یہ سوال بھی اٹھایا کہ آیا سابق جرمن چانسلرز انجیلہ مرکل اور Olaf Scholz بھی اسی طرح کا رویہ اختیار کرتے۔
دوسری جانب مرز نے بعد میں وضاحت کی کہ انہوں نے نجی سطح پر ٹرمپ کو واضح کیا تھا کہ یورپی یونین کے ساتھ کسی بھی تجارتی معاہدے میں کسی ایک رکن ملک کو الگ نہیں کیا جا سکتا۔
About The Author
