پاکستان ویمن کرکٹ ٹیم نے کراچی کے مقامی ہوٹل میں رپورٹ کر دی
ویسٹ انڈیز ویمن کرکٹ ٹیم کے خلاف کراچی میں ہونے والی ون ڈے اور ٹی ٹوئنٹی سیریز کےلیے پاکستان ویمن کرکٹ ٹیم کی کھلاڑیوں نے کراچی کے ہوٹل میں رپورٹ کردی۔
کپتان ندا ڈار اور عالیہ ریاض آج کراچی پہنچیں گی، بیٹنگ کوچ توفیق عمر اور بسمہ معروف 15 اپریل کو کیمپ میں رپورٹ کریں گے۔
پاکستان ویمن ٹیم کل سے ٹریننگ کا آغاز کرے گی، ٹیم کل دوپہر 3 بجے سے شام 5 بجے تک نیشنل بینک اسٹیڈیم میں ٹریننگ سیشن میں حصہ لے گی۔
ویسٹ انڈیز ویمن کرکٹ ٹیم کل صبح 11 بجے نجی ایئرلائن سے کراچی پہنچے گی۔
پاکستان اور ویسٹ انڈیز ویمن کرکٹ ٹیموں کے درمیان تین ون ڈے انٹرنیشنل اور پانچ ٹی ٹوئنٹی انٹرنیشنل میچوں کی سیریز کا آغاز 18 اپریل سے نیشنل بینک اسٹیڈیم میں ہوگا۔
3 ون ڈے انٹرنیشنل میچز آئی سی سی ویمن چیمپئن شپ کا حصہ ہیں۔
