بارسلونا سٹی کونسل کے زیراہتمام عجائب گھروں کو 2023 میں 4.4 ملین سیاحوں نے وزٹ کیا

بارسلونا(قمرفاروق)جنوری میں اپ ڈیٹ کیے جانے والے عارضی اعداد و شمار کے مطابق، تقریباً 4.4 ملین لوگوں نے 2023 میں بارسلونا سٹی کونسل کے ذریعے مالی اعانت سے چلنے والے عجائب گھروں کا دورہ کیا۔

سب سے زیادہ مقبول پکاسو میوزیم کو دیکھنے والےسیاحوں  کی تعداد وبائی امراض سے پہلے کی سطح تک پہنچ گئی ۔ 

اس تعداد 2022 میں تقریباً 10 لاکھ کا اضافہ ہے، جب 3.6 ملین دورے کیے گئے تھے، اور 2019 میں تقریباً 4.8 ملین کے قریب سیاحوں نے وزٹ کیا جب وبائی امراض کا دور شروع ہورہا تھا

2023 میں سیاحوں کے لیے سب سے زیادہ مقبول میوزیم پکاسو میوزیم، برن سینٹر فار کلچر اینڈ میموری (CCM) اور بارسلونا ہسٹری میوزیم (MUHBA) تھے، جن کی شہر بھر میں سائٹس ہیں۔

دو سب سے زیادہ مقبول نمائشیں دونوں پکاسو میوزیم میں تھیں، جنہوں نے 2019 کے بعد پہلی بار 1,032,400 کے ساتھ ایک ملین سیاحوں کے ٹارگٹ کو کراس کیا۔

‘Carmen Calvo’ کو 350,800 سیاح دیکھنے آئے جبکہ ‘Miró-Picasso’ نے سال کے آخر تک 200,000 لوگوں کا خیرمقدم کرنے کی پیش گوئی کی ہے۔ یہ فروری تک چلتا ہے۔