ایئر چائنا پہلی بار بارسلونا اور بیجنگ کے درمیان یومیہ پرواز چلائے گی

بارسلونا(قمرفاروق)کاتالان کا دارالحکومت بارسلوناچین کے ساتھ تجارتی تعلقات کو مضبوط کرنے کی کوشش کر رہا ہے بارسلونا ایشیائی ممالک کے ساتھ تعلقات کو مضبوط بنانا چاہتا ہے۔یہی وجہ ہے کہ ایئر چائنا پہلی بار بارسلونا اور بیجنگ کے درمیان یومیہ پرواز چلائے گی۔ ایئر لائن نے اپریل سے اکتوبر تک 301 سیٹوں والی ایئربس A330-300 کے ساتھ چلنے والی سات ہفتہ وار پروازیں شیڈول کی ہیں، جو ہر سمت میں 2,107 سیٹوں کی ہفتہ وار پیشکش پیش کرتی ہے، جو کہ روٹ پر ایک ریکارڈ گنجائش ہے۔

چین کے ساتھ تعلقات کو مزید بہتر بنانے کے لئے اس سے قبل بیجنگ اور شنگھائی کے لیے 4 ہفتہ وار پروازیں چلائی تھیں۔ یہ اعلان ایک ایسے وقت میں سامنے آیا ہے جب بارسلونا کی اقتصادی ترقی کو فروغ دینے کے لیے ایشیائی براعظم کی طرف دیکھ رہا ہے۔

سرمایہ کاروں کو راغب کرنے کے لیے فروری 2021 میں کولبونی نے بارسلونا میں تجارتی سرگرمیوں اور دلچسپیوں والی دس اہم چینی کمپنیوں کے نمائندوں سے ملاقات کی۔