فائرنگ سے ایک شخص جاں بحق، 4 زخمی

کراچی کے علاقے ابو الحسن اصفہانی روڈ پر فائرنگ سے ایک شخص جاں بحق جبکہ 4 افراد زخمی ہوگئے۔ 

پولیس کا کہنا ہے کہ مبینہ ٹاؤن تھانے کے قریب دودھ کی دکان پر فائرنگ کا واقعہ پیش آیا جس میں 5 افراد زخمی ہوگئے۔ 

پولیس حکام کا کہنا ہے کہ تمام افراد کو قریبی نجی اسپتال منتقل کیا گیا جس میں سے عبدالباری نامی شخص کی حالت تشویشناک تھی جو بعد ازاں دوران علاج دم توڑ گیا۔ 

زخمیوں میں وسیم، فرحان علی، محمد ایوب اور عطا اللّٰہ شامل ہیں۔ 

پولیس حکام نے مزید بتایا کہ ابتدائی طور پر واقعہ ڈکیتی کے دوران مزاحمت معلوم ہوا ہے لیکن پولیس ذاتی دشمنی سمیت ہر زاویے سے تفتیش کررہی ہے۔ 

عینی شاہدین نے پولیس کو بتایا کہ موٹر سائیکل سوار دو ملزمان موقع پر پہنچے اور انہوں نے فائرنگ شروع کردی۔