بارسلونا میں محفل میلاد مصطفی ﷺ،سید اسرار الحسن شاہ کا محبت رسولﷺ کے موضوع پر خطاب

بارسلونا(دوست نیوز)معروف بزنس مین چوہدری یاسر ریحانیہ اور چوہدری عمران اختر چھوکر کلاں نے قرطبہ ریسٹورنٹ پورٹ فورم پر محفل میلاد مصطفی صلی اللہ علیہ وسلم کا انعقاد کیا گیا۔معروف نعت خواں شاہد رسول نقوی اور بارسلونا کی شان قدیر احمد خان نے نعت رسول مقبول صلی اللہ علیہ وسلم پیش کرنے کی سعادت حاصل کی۔

اس روح پرور محفل کے مہمان خصوصی پیر طریقت رہبر شریعت محترم انتصار الحسن اور انکے جگر گوشہ محترم اسرار الحسن سروری قادری تھے،

محفل کی صدارت شیخ پیر سید انتصار الحسن شاہ سروری قادری نے کی جبکہ محفل میلاد میں انکے لخت جگر سید اسرار الحسن شاہ نے خطاب کیا۔محفل میلاد میں پاکستانی کمیونٹی کی بڑی تعداد نے شرکت کی۔پیر سید اسرار الحسن شاہ سروری قادری نے اپنے خطاب میں کہا کہ محبت رسول کا تقاضا ہے کہ ہم اپنے دلوں کو حضور نبی اکرم ﷺ کی محبت سے منور کریں اور ان کے بتائے ہوئے راستے پر گامزن ہوں کیونکہ حضور نبی اکرم ﷺ کی ذات محبت، امن اور اخلاقیات کا کامل نمونہ ہے۔انہوں نے مزید کہا کہ موجودہ دور میں آقا کریم ﷺ کی تعلیمات پر عمل کرتے ہوئے ہمیں دوسروں کے حقوق کا تحفظ، عزتِ نفس کی پاسداری اور برائیوں سے اجتناب کو یقینی بنانا چاہیے اور دکھی انسانیت کی خدمت، عزت و آبرو کا تحفظ، اور محبت و امن کا فروغ دینِ اسلام کے بنیادی اُصول ہیں۔

پیر اسرار شاہ نے مزید کہا کہ نے کہا کہ نبی پاکﷺ پوری انسانیت اور دونوں جہانوں کے لئے رحمت بن کر آئے۔انہوں نے فضائل مولا علی

بیان کرتے ہوئے کہا کہ سیدنا علی مرتضیٰ ؓ کو اللہ تعالیٰ نے بے پناہ خصائص و امتیازات سے ممتاز فرمایا اور آپ کو فضائل وکمالات کا جامع، علوم ومعارف کا منبع، رشد وہدایت ، زہد ، شجاعت وسخاوت کا پیکر اور مرکز ولایت بنایا۔محفل میلاد کا آغاز تلاوتِ کلامِ پاک سے ہوا، جس کے بعدمعروف نعت خواں قدیر خان نے نعتیہ کلام پیش کیا۔آخر میں قدیر خان نے سلام پیش کیااور پیر سید انتصار الحسن شاہ سروری قادری نے امت مسلمہ کی سلامتی اور خوشحالی اور تحفظ واستحکام پاکستان کے ضمن میں پاک فوج کی فتح کے لیے خصوصی دعائیں مانگیں۔