اسپین، المیریا کے ساحل کے قریب کشتی میں سوار 25افراد کو بچالیا گیا
المریا(دوست نیوز)اتوار کے روز سیلویمنٹو میریٹیمو (سمندری بچاؤ ادارہ) نے 25 افراد کو بچالیا جو کہ تمام مراکشی نژاد (مغربی) تھے، اور ایک چھوٹی کشتی (پاترا) میں سوار تھے۔ یہ کشتی المریا (Almería) کے ساحل کے قریب کابو دی گاتا (Cabo de Gata) کے پانیوں میں پائی گئی،
اتوار کی صبح 12 بج کر 10 منٹ پر فرنٹیکس (Frontex) کے ایک طیارے کی طرف سے اطلاع دی گئی، جس نے ساحل سے 40 میل دور ایک کشتی کو دیکھا۔ فوراً بعد، سیلویمنٹو نے علاقے میں موجود بحری جہازوں کو آگاہ کیا، جن میں سے “کرسٹل آئس” (Crystal Ice) نامی جہاز حرکت میں آیا اور دی گئی جگہ پر پہنچا۔وہاں پہنچ کر اس جہاز نے تصدیق کی کہ یہ واقعی ایک پاترا ہے جس میں 25 مراکشی افراد سوار ہیں — جن میں 24 مرد اور ایک خاتون شامل تھیں۔ ان کو اس وقت تک نگرانی میں رکھا گیا جب تک سیلویمنٹو کی کشتی “سالوامار اسپیکا” (Salvamar Spica) سہ پہر 3 بجے کے قریب وہاں نہ پہنچ گئی۔ سیلویمنٹو میریٹیمو کے مطابق، توقع ہے کہ ان افراد کو شام 5 بج کر 45 منٹ پر کابو دی گاتا کی بندرگاہ پر اتارا جائے گا۔
About The Author
