ای یو پاک فرینڈ شپ فیڈریشن پرتگال اور تحریک آزادی کشمیر پرتگال کے زیر اہتمام یوم تشکر کا پروگرام،ڈاکٹر چوہدری پرویز اقبال لوہسر کا خطاب

لزبن– حوصلے بلند اور ارادے مضبوط ہوں تو منزل مل ہی جاتی ہے.افواج پاکستان پاکستانی قوم کا فخر اور ماتھے کا جھومر ہیں. حمیت اور غیرت کا تقاضا ہے کہ ہمیں سیاسی سماجی اور دیگر اختلاقات بھلاکر افواج پاکستان کے ساتھ اظہار یکجہتی کرنی چاہیئے. ان خیالات کا اظہار صدارتی ایوارڈ تمغہ خدمت ڈاکٹر چوہدری پرویز اقبال لوہسر نے لزبن میں منعقدہ ای یو پاک فرینڈ شپ فیڈریشن پرتگال اور تحریک آزادی کشمیر پرتگال کے زیر اہتمام پروگرام یوم تشکر میں کیا.

پروگرام کی صدارت ای یو پاک فرینڈ شپ فیڈریشن پرتگال کے صدر سید قاسم شاہ اور صدر تحریک آزادی کشمیر پرتگال راجہ حسنین نے کی. پروگرام میں ڈاکٹر زاہد آف گوجر خان، چوہدری فہیم گجر آف چیچہ وطنی، رانا ذیشان آف سیالکوٹ اور چوہدری غنضفر نے خصوصی شرکت کی. مظاہرین نے انڈین ایمبیسی لزبن پرتگال کے سامنے فقید المثال احتجاجی مظاہرے میں مودی مردہ باد، ٹیررسٹ ٹیررسٹ انڈیا ٹیررسٹ کے نعرے لگاۓ. مظاہرین نے سپہ سالار پاکستان جنرل عاصم منیر کے قد آور پوسٹر اٹھا رکھے تھے اور قومی پرچموں کی بہار تھی۔ ہر چہار سُو پاکستان زندہ باد افواج پاکستان زندہ باد کے نعروں سے عوام کا جوش اور جذبہ دیدنی تھا۔ جبکہ افواج پاکستان کو عالمی دنیا کی سب سے بہترین فوج کہا گیا.

اوورسیز پاکستانی اپنے سپہ سالار جنرل عاصم منیر کے ساتھ سیسہ پلائی دیوار کی مانند کھڑے ہیں. مظاہرین نے پاک فضائیہ کے شاہینوں کے حق میں پرُجوش نعرے بازی کی. اور بری اور بحری مخاذوں پر افواج پاکستان کی لازوال قربانیوں اور کاوشوں پر خراج تحسین پیش کیا. پرتگال کے دارالحکومت لزبن کی شاہراؤں پر پاک فضائیہ بری اور بحری فوج کے نعرے ہر زبان زد عام تھے. بعد ازاں کیک کاٹ کر پاکستان کے شاہینوں کی بےمثل کاوشوں کو زبردست انداز میں سراہا گیا. ای یو پاک فرینڈ شپ فیڈریشن پرتگال اور تحریک آزادی کشمیر پرتگال کے مشترکہ اشتراک سے منعقدہ پروگرام اظہار تشکر براۓ افواج پاکستان میں پرتگال میں آباد پاکستانی و کشمیری کمیونٹی نے بھرپور انداز سے فتح کا جشن منایا.

پروگرام میں خواتین بچے سیاسی سماجی کاروباری مذہبی اور رفاعی حلقوں کی فہمیدہ شخصیات نے افواج پاکستان کے ساتھ یکجہتی کا اظہار کیا.پروگرام میں ای یو پاک فرینڈ شپ فیڈریشن یورپ کے چیئرمین صدارتی ایوارڈ تمغہ خدمت ڈاکٹر چوہدری پرویز اقبال لوہسر نے کہا کہ افواج پاکستان نے پوری قوم کو ایک پیج پر متحد کردیا ہے. انھوں نے کہا کہ پاکستان ہے تو ہم ہیں اسکے بعد سیاسی سماجی اور مذہبی پارٹیاں ہیں جنہیں سبز ہلالی پرچم پر فوقیت نہیں دی جا سکتی. سبز ہلالی پرچم ہماری ریڈ لائن ہے اور افواج پاکستان پاکستانی قوم کی شہ رگ ہے. لہذا ہمیں اپنی سمت کو درست رکھنا چاہیئے.پراگرام میں پاکستان زندہ باد افواج پاکستان زندہ باد کے نعروں سے فضا گونج رہی تھی. ملی نغموں کی دھن پر ہر کوئی رقص کرکے اس فتح کو اپنے انداز سے منا رہا تھا.سپہ سالار جنرل عاصم منیر زندہ باد پاک فضائیہ زندہ باد کے نعرے لزبن کی شاہراؤں پر گونج رہے تھے.