حسان فارماسیون ٹیکسی اسکول،کامیاب طلبا میں اسناد تقسیم کی تقریب

بارسلونا/دوست نیوز/بارسلونا میں معروف حسان فارماسیون ٹیکسی اسکول کا اس بار پھر شاندار رزلٹ آیا ہے، 74 طالب علم کامیاب ہوئے،طالب علموں میں اسناد تقسیم کی تقریب کا انعقاد کیا گیا۔

تقریب کا آغاز تلاوت قرآن مجید سے ہوا اور ہدیہ نعت پیش کیا گیا۔ اسٹیج سیکرٹری کے فرائض عمران شہزادہ نے سرانجام دئیے،انہوں نے اپنے خیالات کااظہار کرتے ہوئے کہا کہ اسپین میں حلال رزق کمانے کے لئے ٹیکسی سیکٹر نہایت شاندار ہے آپ اس سے ایک معقول آمدن حاصل کرتے ہیں اور اپنے خاندان کھ بہترین پرورش کرسکتے ہیں

ٹیکسی سیکٹر کی معروف سماجی شخصیت سید جنید شاہ نے طالب علموں میں اسناد تقسیم کیں اور کہا کہ ٹیکسی سیکٹر میں آنے والے تمام نوجوان اپنے وطن کے سفیر بھی ہوتے ہیں لہذا انہیں اپنے کردار سے اپنے وطن کی عزت کا بھی خیال رکھنا چاہئیے۔انہوں نے کہا کہ آپ کا غلط کام تمام کمیونٹی کا خیال کیا جائے گا۔

تقریب میں پروفیسر مشتاق احمد ،سید جنید شاہ،ابوبکر،محمد یاسر نے کامیاب ہونے والے طالب علموں میں اسناد تقسیم کیں

پروفیسر مشتاق احمد نے اپنے خطاب میں کہا کہ آپ لوگ کمیونٹی کی نیک نامی میں اضافہ کرسکتے ہیں آپ لوگوں کا اپنی فیلڈ میں ایمانداری سے کام کرنا ہے آپ کی نیک نامی اور اپنے وطن کی نیک نامی ہے۔ٹیکسی سیکٹر بارسلونا رزق حلال کا ایک بہترین ذریعہ ہے لہذا اس سے حلال رزق ہی کمائیں ناکہ اپنے رزق کو حرام کریں کیونکہ کئی مواقع آئیں گے جب آپ اپنے رزق حلال کو حرام بنائیں گے۔آپ لوگوں نے محنت کی اور آج اس مقام پر ہیں جو آسان کام نہیں ہے۔آپ زبان سیکھتے ہیں اور یہ مشکل امتحان پاس کرتے ہیں ۔پروفیسر مشتاق احمد نے تمام کامیاب طالب علموں کو مبارک باد دی